1896-1898 Tome 18 - Ouvrages anciens sur Saint-Omer (Pas-de ...

CCXCIII
ignorer qu'ilz ne soient, avec leurs amytiez et
alliances publicques et secrètes, comme elles sont,
pour faire et exécuter, quand bon leur semblera, de
grandes et grosses choses. A quoy Sadicte Saincteté
doibt bien avoir esgard, affin de ne les irriter ni
induyre d'eulx mettre en chemin d'entreprendre
aucune chose contre elle, dont luy en pourra
ensuyvre un gros dommaige, et regret perpétuel
en l'advenir. Faisant bien entendre à icelle Sadicte
Saincteté, qu'iceulx deux sieurs Roys avoient une
fois délibéré de commencer par exécution, pour
avoir réparation de leurs griefz, mais depuis, pour
garder l'honnesteté, ont advisé et arresté, qu'ilz
viendroient par requeste, en exposant leurs dicts
griefz et demanderoient réparation d'iceulx. Et là,
où la chose leur seroit desnyée ou mise en delay, ilz
prandroient cela pour reffuz et demanderoient
Concilie Universel, si commodément se povoit faire
dedans huit moys après ensuyvans. Et là, où il ne se
pourroit faire, pour la longueur qu'il se trouverait,
seroit demandé iceluy Concile pour leurs Royaumes,
pays, terres et seigneuries, et pour les autres princes
et potentatz qui y vouldroient adhérer dedans trois
moys après. Protestans que là, où Nostredict Sainct
Père ne le vouldroit faire, que eulx mesmes, avec
l'assemblée de leur Eglise et Glergié et des plus
sçavans lettrez et expérimentez personnaiges
d'icelle chrestienté, que pour ce faire appelleront,
feront ledict concilie et justiffieront de ce que dessus
avec tous les princes chrestiens lesquelz, veu les
choses susdictès si raisonnables, et que semblables
griefz ou plus grans leur sont faitz, adhéreront aux-