1896-1898 Tome 18 - Ouvrages anciens sur Saint-Omer (Pas-de ...

CCCXVI
debvroit faire, et que, en manière quelconque, directement
ne indirectement, ne s'entremesle en ladicte
cause, au moins qu'il surcesse d'ycy à ce que nostredict
bon frère, [et luy] soient convenuz à l'assemblée
que Ton espoire entre eulx, alors, asseurement, nous
luy pourchasserons, comme vraysamys, touthonneur
et plaisir possible et serons avecques luy en amytié
et allyance perpétuelle. Aultrement, s'il refuse,
jamais nous n'entrerons plus avant en amytié ne
allyance avecques luy Pape.
Et, si nostredict bon frère pensoit qu'il y peult
avoir quelque contrevaleur et recompense proparle,
en nostredict cousin et filleul, et sa niepee, et que le
Pape l'en instantast et pressast, alors vous prierez
affectueusement nostredict bon frère qu'il luy
mande et signifie apertement que jamais de luy
n'aura conclusion ne sanction audict mariage ne à
chose aultre quelconque que, préalablement, sans
delay et absolument, il n'admette et approuve
nostredict excusateur et essoync, comme il doibt et
est tenu de faire, comme il appert clerement par les
déterminations de diverses Universités, speciallement
de l'Université d'Orléans qui a déterminé et
conclut que le Pape (en matière de si grande importance,
comme est ceste) ne peult, ne doibt, par le
droict ne raison quelconque, contraindre aulcun
Prince ou Roy de comparoir en droit hors de son
royaulme, ne en sa propre personne, ne par procureur,
ains doibt commettre et déléguer la controverse
pour la renvoyer au Royaulme, et que non
scullement ses subjectz debvroient estre admis et
receuz à l'excuser et alléger son droict et essoyne,