1896-1898 Tome 18 - Ouvrages anciens sur Saint-Omer (Pas-de ...

XXXIV
le Roy, ledit jour de mardy, envoya au matin (i) au
Roy d'Angleterre pourpoinct, saye et robe (et le reste
des habillemens, bonnet et autres choses) en tout
pareillez à celles qu'il porta ledit jour, qui estoit ung
pourpoinct (et saye) de satin cramoisy, decouppé et
faict à triangles, lesquelz estaient tenuz et lassez de
quatre parles joinctes ensemble, et y avoit merveilleusement
grande quantité desdites parles. Dessus
avoient une robe de velours blanc broché de fil d'or,
doublée d'une crespine d'or, faicte quasi à filez à
prandre poisson. Et en ces habillemens, ledict jour,
le Roy d'Angleterre vinst premier à la messe,
accompaigné de ses gens, tous de l'aage de trante à
soixante ans, dont il y a bon nombre habillez richement
et mesmement de grosses chaynes. Et sont en
sa compaignie, entre autres, le Comte de Richemont,
le Duc de Suffort et le Duc de Neufort. Or y
avoit il, près du grand autel de Nostre Dame de
Boloingne, deux oratoires, dont, au cousté dextre,
estoit celluy du Roy d'Angleterre, tendu de drap d'or
et d'argent frizé, avec le ciel de mesmes ; et en l'autre
cousté, celluy du Roy, tendu de velours, perssemé
de fleurs de lyz d'or. Audit oratoire, du costé
droict, se mist le Roy d'Angleterre et ouyst une
messe basse, et en feist recommancer une autre, en
attendant le Roy, lequel vinst à l'Eglise, vers le commancement
de l'Evangile de la seconde Messe dudit
Roy d'Angleterre, accompaigné de tous les princes
de France, Cardinaulx et Gentilzhommes, ayans
(l) « Leditjour de mardy, et au matin »sont barrés dans
l'original et remplacéscommeil suit : «Le Roy envoya,à
l'arrivée dudit Seigneur Roy d'Angleterre,pour se déshabiller,
pourpoinct »,etc., commeci-dessus.