1896-1898 Tome 18 - Ouvrages anciens sur Saint-Omer (Pas-de ...

CCCXC1I
lesquelles il desplairoyt au Roy estre divulguées
pour avoir l'honneur de sonfil[z], en recommandation
(i) comme le sien mesmes. Et aussi que là où il
continueroyt, il feroyt que le Roy estimeroyt désormais
son amytié moins qu'il n'avoyt faict par le
passé. Car le premier poinct et règle d'amytié mesmement
entre grans princes, c'est d'avoir foy, honneur
et parolle. Là où cela deffault, ne se peult
nommer ce sainct nom d'amytié, qui ne mérite estre
compleié, sinon entre les bons. Quanta la promesse
qu'il disoyt avoir faicte de ne jamais (2) entrer (3) en
propoz de traicter alliance ne aultre chose de conséquence,
que premièrement l'affaire dudict Roy ne
feust depesche, c'estoyt chose que voluntairement,
sans obligation et aussi sans requeste, il avoyt promise
et aussi vouluntairement et fidèlement exécutée;
et de cela en appelloyt tout le monde à
tesmoing, que jamais ne vouloit ouyr parler de nul
affaire, ne en gênerai n'en particulier, combien qu'il
en eust assez à décider avec le Sainct Siège, jusques
à ce que les faultes de ses agens destinés là, par
commission et commandement exprès de luy et
monstrant ladicte commission, rompirent la broche
(2)«Et ces choses respondoytledict evesque de la part du
Roy, non commea propoz nouvellement proposez audict
evesque par le Roy d Angleterre, mais pour ce que ledict
Roy. ou ceulx cy mesmes ou semblable partie avoyt tenuz à
l'ambassadeur du Roy, et partie avoyt faict tenir au Roy_
par les siens. Pour ce dist Tevesque: A ces propozje ne ai
la charge de vous respondre pour aultantique; desjà en avez
tenuz de semblables».
(3)Fol. 61.