1896-1898 Tome 18 - Ouvrages anciens sur Saint-Omer (Pas-de ...

CCCIX
sang et maison dont est extraicte ladicte niepce du
Pape, le très noble et très illustre sang, progenie et
maison royal de France, nostre très cher et très aroé
cousin et filleul le duc d'Orléans, ledict mariage
seroit fort dispar et inequal. Par quoy, ne sommes
aulchunement d'advis qu'il soit conclut, si n'estoit
que, par ce moyen, nostredict bon frère n'eust quelque
grand profit, commodité et avantage qui redundast
au bien, utilité et honneur, tant de luy que de
nous, et qu'à ces fins, le Pape fist et accordast chose
qui contrevaulderoit et recompenseroit le default
de si bonne lignée et parentage, ce que ne luy seroit
possible, au moins très difficile, comme il nous
semble. Toutefoiz, si nostredict bon frère agnoist
ou peult penser aulcune telle condigne valeur ou
recompense, ce qu'il pourra, àl'avanture, mieux que
nous ne ferions, nous en rapportons bien à luy.
Que si telle chose luy vient à cognoissance et qu'il
luy plaist, comme bien sçavons qu'il le fera, nous en
advertir plainement, il nous trouvera très prestz et
promptz, non seullement de luy en mander notre
advis ouvertement, comme nostre amytié requiert,
mais aussy à nous employer, si c'est son profit,
commodité ou plaisir à tout ce qui pourra et semblera
expédient, à avancer et poulser oultre ce que
par luy et nous sera advisé commodieuse et opportun.
Et de ce soy peut il fier en nous asseurement.
Et quant à Teffect de nos matières et occurences,
avons et voulons correspondentemenl, selon Tadvis
de nostredict bon frère, procédé et en temps advenir
procéder spécialement en nostre grande cause de
mariage, comme il pourra congnoistre par Testât de