1896-1898 Tome 18 - Ouvrages anciens sur Saint-Omer (Pas-de ...

CCCXIV
ne par procureur, allegant, toujours sufficientes raisons
et auctorités pour nostre part.
Et oultre et combien que amyablement, non par
contrainte ne par nécessité (supposant par ce moyen
d'attyrer et incliner le Pape à consyderer nostre bon
droict), l'avons requiz et exhorté qu'il voulsist avoir
esgard aux dignités, prérogatives et prééminences
Royaulx et admettre nostre excusateur, toutefoiz, si
nous a[-t-]il toujours inhumainement refusez, ayant
intention (ainsi que nous supposons) de repeller et
rebouter nostre excusateur, soit manifestement, soit
occultement, et, sans le sceu de noz agentz par
delà et ainsi, par soubz main, procéder en nostredicte
grande matière.
Laquelle chose, si les Roys et Princes lui souffraient
faire, fut ce manifestement ou occultement, il
pretendroit, par ce moyen, les mettre soubz sa jurisdiction
et les obliger soubz l'obéissance de ses courtz
et les submettroit au povoir et auctorité que presumptueusement
(sans pis dire) il veut usurper sur
les Roys et Princes, qui à nous et eulx seroit chose
de grand reproche, ignominie et deshonneur et qui
ne doibt aulcunement estre tollerée ne soufferte.
Se debvroit ung Prince se submettre à l'arrogance
et ambition d'une créature mondaine que Dieu luy
a assubjectée ? Se humilierait ung Roy et rendrait
obedient à celuy dont Dieu luy a donné la supériorité
? Exaulceroit il celuy qui, contre Dieu et justice,
le veult déprimer et abbatre ? Ce seroit pervertir
Tordre que Dieu a ordonné et constitué.
Le cas se peult adonner que, en temps advenir,
l'exemple en seroit aussy préjudiciable au Roy