1896-1898 Tome 18 - Ouvrages anciens sur Saint-Omer (Pas-de ...

CCCXLIV
97. — Lettre de Jean de Dinteville, bailli
de Troyes, ambassadeur à Londres, à
Jean Du Bellay, évêque de Paris (*).
Londres, le 9juin 1533.
« Monsieur, le Roy m'a prié de vous escripre, suyvant
ce que je escrips au Roy et à Monseigneur le
grand maistre, comme en plàing consistoyre, il a
esté déclaré à Rome, de la part du Roy, comme il
s'employera, en tout son pouvoir, de résister contre
les leuthoriens et mesmes de les aller assaillir, si
besoing est. Cedict sieur Roy en est merveilleusement
mal comptant, et dict que c'est pour rompre
l'intelligence que Ton avoit du costé des Allemagnes
et que c'est mettre l'Empereur et le Pape, au dessus
de toutes leurs intentions. Vous ne croyriez, comme
cedict sieur Roy s'en est coleré, me disant que le
Roy a esté le plus mal conseillé du monde et le plus
mal servy, en cest endroit, qu'il est possible; et
que de ceste entreveue, que le Roy la cherche trop
et que le Pape fait trop de Taudatieux sur luy
et qu'il ne peult penser quelz pratiques le Roy
prétend faire avec le Pape, veu qu'il luy est sy
doulx, en usant de sy gratieux moyens, pour
le faire condescendre à ceste entrevue, laquelle
le Pape doibt plus désirer que luy. Je luy
ai faict toutes les répliques que j'ay peu, mesme que
ceste dicte entreveue n'estoit désirée de la part du
Roy que pour son grand affaire. Et quant à pratiques
il n'y en avoit nullez, sinon du mariage, dont
longtemps a est adverty. Comme jamais je ne le
(1)CollectionDupuy,t. 547,f.242;Camuzat, t. II, f. 130,v°.