1896-1898 Tome 18 - Ouvrages anciens sur Saint-Omer (Pas-de ...

CCCLXXXVII
le Roy que les choses yestoyentpourdesesperées.et
que, de jour à aultre, s'attendoyt la dernière et irrévocable
(i) sentence du Parlement contre le susdict
Pape, telle que depuys elle se y est donnée. Et, de
faict, ainsi en eust esté, ne feust que, prévoyant le
Roy la précipitation où ilz estoyent pour se porter,
avoyt pryé et persuadé Bryan, par plusieurs lions
moyens, d'aller en diligence, pour arrester toutes
choses jusques à la venue dudict evesquede Paris,
luy donnant espoir qu'il luy apporteroyt choses de
grant contentement. Et si avoyt Ton, tant par le
moyen de l'ambassadeur lors y estant que par tous
aultres moyens, adverty ceulx qui tenoycnt autour
dudict Roy plus le party de l'Eglise Romaine, qu'ilz
tinssent la main que la venue dudict evesque feust
attendue, chose qui à grant paine peult estre obtenue
; car, oultre toutes aultres raisons, les ambassadeurs
dudict Roy, qui avoyent faict et précipité,
comme cy après se dira, l'appellation et mys les
choses en la combustion nouvelle où elles estoyent
entrées, aigrissoyent, tant pour leur naturel que
pour leur particulier interestz, les matières à leur
povoir, craignans que se les affaires viendroyent à
estre entenduz sans passion de colère, il[z] ne vinssent
à estre reprins de ce qu'ilz avoyent faict. Aussi
que, comme dict a esté, la nouvelle Royne craignoyt
(2) tousjours que quelque appointement se
feist à ses despens. Item, ceulx qui estoyent nouvellement
venuz en credict, comme le chancellier et
(1) Fol. 57,verso.
(2)Note: « Castillonparlera bien de tout cecy.»