1896-1898 Tome 18 - Ouvrages anciens sur Saint-Omer (Pas-de ...

CCLXXV
sieurs cardinaulx, montez en xxn gallères qui entrèrent
dedans le port et havre de ladite ville, si pompeusement
parées, que mieulx ne povoient, jusques
aux forsatz acoustrez de coulleurs. Sa descente se
fit devant icelle ville, au jardin du Roy, où il coucha.
Le lendemain, qui fut dimanche, il alla ouyr messe
à l'abbaye Sainct Victor, où il visita plusieurs corps
saincts de céans, entre autres le Lazare, la Croix
Sainct-André, et la Boecte de la Magdeleine et ung
grand nombre d'autres. Et sur deux heures après
mydi, commança à faire son entrée en ladite ville, qui
dura quatre heures entières. Le Corpus Domini y
estoit porté honnorablement sur une haquenée de
parement devant lequel marchoient Messieurs d'Orléans
(i) et d'Angolesme et tous princes, chevaliers
de l'ordre et noblesse, archiers des gardes de corps,
aians torches au poing, et suisses du Roy prochains
du Pappe, qui estoit porté par ses chambriers en
habit de cardinal, chappeau de satin cramoisie à
broderie en teste et à sa queue xim cardinaulx, entre
lesquelz assistaient Messieurs le légat d'Avignon,
cardinaulx de Bourbon, de Lorraine et de Gramont,
et xxxvi evesques tous habillez à la mode rommaine
et appostolique. Après avoir esté à la major, qui est
l'église métropolitaine, et là mis en repos Nostre
Seigneur, vint descendre au logis sur la marine qui
lui estoit préparé, si bien ordonné et basty expressément
qu'il ne se peult amender. Il ne se pourroit
déclarer la grand noblesse qui s'est trouvé à ladite
entrée, de tous pays, ne qu'elle a esté la canonnerye
(1)On lit au dos: De l'entreveuedu Pappeet du Roy, ou
moys d'octobrea Marceilles,année 1533.