1896-1898 Tome 18 - Ouvrages anciens sur Saint-Omer (Pas-de ...

XXXIII
grande court, environnée de deux grandz corps de
maison, dont en l'ung, sur la porte, est logé le Roy
d'Angleterre ; et en l'autre, le Roy. Et y a, quasi au
millieu desdits deux corps de maison, une salle qui
est le refectouer des moynes, qui est tendue, le
planché (i), dé taffetas incarnat, encornetté de
taffetas des couleurs du Roy (2), et tapissée de
quatre pièces de tapisserie principalles, qui sont des
victoires de Scipion l'affrican, faictes de haulte lice,
tout de fil d'or et de fil de soye, les personaiges les
mieux faictz et au naturel qu'on pourroit faire. Et
n'est possible à painctres du monde les faire mieux
sur tableaux de boys, et dict-on que l'aulne a cousté
cinquante escus. A ung des boutz de la salle, est ung
buffet de six degretz, chargé de vaisselle d'or et
d'argent doré, avec grandes couppes d'or enrichies
de pierres précieuses et en grand quantité, qu'il
faict merveilleusement bon veoir; et dessus ledit
buffet est tendu un ciel de satin cramoisy, semé de
lions et autres bestions faictz de parles. A l'autre
bout, est la table pour manger, sur laquelle est tendu
ung autre ciel [dais] de haulte lice, auquel est Dame
Charité, faicte au naturel et toute de fil d'or et de
soye. En ceste dite salle, mardi, au soir, souppèrent
lesdicts deux Roys, et estoit au dessus le Roy d'Angleterre,
servy par ses gens, à teste nue et à genoulx ;
et le Roy pareillement, des siens, à sa mode
accoustumée.
Et quant aux habillemens des dits deux princes,
(1)Plafond.
(2)Jaune, violet,incarnat.