1896-1898 Tome 18 - Ouvrages anciens sur Saint-Omer (Pas-de ...

XXXVII
le Roy envoya le lendemain un présent par le
prevost de Paris (i), d'un dyamant qui est estimé
quinze ou seize mil escuz. Hyer, qui fut dimanche,
le Roy se habilla merveilleusement triumphamment,
et avoitun pourpoinct de broderie, enrichy des plus
beaux diamantz que l'on veist oncques. Et estoit
estimé ledict pourpoinct plus de cent mil escuz. Le
Roy d'Angleterre portoit une robe de toille d'or
damassée, de couleur violette, et dessus, ung collier
qui estoit faict de quatorze rubiz, dont le moindre
estoit gros comme ung oeuf et de quatorze diamantz
qui n'estoient si gros. Et entre lesdictes pierres,
environ deux doigs de large, trois renés de grosses
parles, et au droit de l'csthomac, y avoit une escarboucle
(2), grosse quasi comme ung oeufz d'oye. Et
estimoit l'on ledit collier à plus de quatre cent mil
escuz. Ledit Roy d'Angleterre vient veoir souvent
le Roy et se met en grande peine de faire bonne
chère à toute la compaignie et y a merveilleusement
bonne grâce à ce faire. Hier, après disner, il donna
passe temps au Roy d'ung combat d'ours avec des
dogues, et d'ung taureau, dedans la court de la
maison du Roy. Le Roi séjournera jusques à demain
et s'en reviendra coucher en ceste ville et fera sa
feste à Estapes. Ledit Roy d'Angleterre doit donner
son ordre de la Jarretière à messieurs les Grand
Maistre et Amyral.
Le Roy a desfrayez tous les anglois, et ensemble
leur train, en ce lieu de Roulloingne, où ilz ont
(1)Joan de la Barre.
(2)Rubis-balai.On l'admire encore au sommet de la plus
belle couronneroyaled'Ang-leterre.