1896-1898 Tome 18 - Ouvrages anciens sur Saint-Omer (Pas-de ...

CCLXXXII1
lieu et du temps que Nostre Sainct Père et ledict
Empereur pourront estre ensemble, afin que
suivant cela ils facent leurs journées plus petites ou
plus grandes, ainsi que besoing sera, pour eux
trouver à ladicte veue.
Au demourant, Monsieur d'Auxerre, voyant que
ledict Empereur sera de bref par delà, ainsi que j'ay
sceu, tant par ce que j'ay eu de vous, que d'ailleurs
et cognoissant très bien, qu'il n'oublyera à faire une
seulle chose de ce qu'il luy semblera estre nécessaire,
pour de plus en plus tirer Nostredict Sainct
Père à sa dévotion, vous pourrez remonstrer, comme
de vous mesmes, à Sadicte Saincteté qu'il est
requis qu'elle ait bien l'oeil à.ne faire accorder chose
qui puisse par cy après nuire, ne prejudicier à personne,
et qu'elle considère et remette en sa mémoire,
que ledict Empereur a promis et accordé aux princes
de la Germanie, pour plus faciliter ses affaires,
de faire convocquer un concile entre cy et un an,
pour le plus tard, et qu'elle regarde si cela sera à
son propos, on non; car si l'Empereur luy promet
que, quelque chose qu'il ait accordée auxdicts
princes, neantmoins qu'il ne leur en tiendra rien,
aussi bien peut il faillir à icelle Sa Saincteté de la
promesse qu'il luy fera, comme il fera ausdicts
Princes en cest endroict ; et pour ceste cause, il est
nécessaire que vous déclariez bien àSadicte Saincteté
que quant ainsi seroit que ledict Empereur voudroit
que ledict concile se feist, il est en la puissance de
mondict bon frère et de moy de l'en garder, et de
rompre pour cela le lieu que nous tenons en la
chrestienté. Et là où icelluy Empereur ne voudroit