1896-1898 Tome 18 - Ouvrages anciens sur Saint-Omer (Pas-de ...

XXXVI
en ceste ville, et d'icy reprandra son chemin à Paris.
Ce matin, le Roy a faict présent au Roy d'Angleterre
de six pièces de grandz chevaulx qui sont fort
beaux. Mesdits sieurs les enffans estaient, à ce matin,
à son lever, et les voyttrès voluntiers. C'est un
beau et gracieux prince.
Le jour de jeudy, le Roy d'Angleterre donna à
messieurs les enffans, qui vinsdrent lui donner le
bon jour, trois cens mil escuz que le Roy lui devoit
encores de sa rançon. Et fust donnée l'ordre de
France, ledit jour, avant que partir, à Messieurs les
Ducz de Susfort et de Neuffort. Depuis cesprésentes
escriptes, vendredi passé, après disner, lesdits deux
Roys partidrent de ceste ville pour aller à Calais.
Et avoit le Roy d'Angleterre une robe à chevaucher
de drap d'or frizé, à grandes deschicquetures, qui
estoient tenues de gros diamans et rubiz. Lesdits
sieurs Roys, accompaignez des gros Seigneurs et
gentilzhommes de France et d'Angleterre, et au
devant d'eulx, messieurs les enffans, sortisrent de la
la ville ; et les convoyasrent mesdicts sieurs le Légat
et cardinaux jusques à une lieue loin de la ville, où
ilz retournèrent. Lesdicts deux Roys, icelluy jour,
arrivez à Calais, [le Roy d'Angleterre] feist loger
le Roy en une maison des marchans (i), qui est
toute carrée, quatre corps de maison, la court au
meillieu, et le Roy d'Angleterre assez loing de
ladicte maison. Et estoit au logis dudit Roy d'Angleterre
madame la marquise de Bonlant, accompaignée
de dix ou douze demoiselles, à laquelle
(1)Aujourd'hui,Hôtel de Guise,maisprofondémentmodifié.
Les Anglaisl'appelaient: The Staple.