1896-1898 Tome 18 - Ouvrages anciens sur Saint-Omer (Pas-de ...

CCLXXXVIII
des palyons, (i) combien que ce soit chose meré (2)
spirituel, comme il appert par les solemnitez et cerymonies
qui sont gardées et observées à les faire ;
qui est grande diminucion de l'honneur et estimacion
qu'ilz debveroient avoir au Sainct Siège Apostolic
que. D'autre part, il ne se souloit prandre que une
Annate du bénéfice qu'on impetroit ; mais, de présent,
on la faict payer des bénéfices qu'on retient
par dispence. Et quant aux compositions arbitraires,
qui se payent des dispences que l'on baille sur ce
qui est deffendu de droict, elles sont pernitieuses et
excessives. Et oultre ce qui dict est, la prolongation
des six moys pour prandre possession à ceulx qui
ont les bénéfices par résignation est cause de commettre
plusieurs faussetez, ainsi qu'on a veu par
expérience. Et quant auxdictes exactions, affin de
les povoir mieulx exprimer entièrement, en a esté
baillé un roolle auxdictz sieurs Cardinaulx.
Et pour avoir réparation des choses dessusdictes,
a esté supplié et requis très instamment audict Sei-
gneur de faire assembler l'église gallicane, pour
pourveoir à ce que telles et semblables choses qui
sont contre toute honnesteté cessassent. A laquelle
congrégation se fussent trouvez plusieurs bons et
notables personnaiges, prudens, lettrez et expérimentez,
craignans et aymans Dieu, et non tachez
aucunement d'avarice pour y donner telle ordre
selon raison et équité que les choses eussent esté
reduictes en Testât qu'elles estoient anciennement.
A quoy ledict Seigneur, pour lors, ne voulut aucu-
(1)Palliums.
(2)Purement.