1896-1898 Tome 18 - Ouvrages anciens sur Saint-Omer (Pas-de ...

CCCXLVIII
sieur de Norffolke. Il m'a dict qu'il en estoit adverty
et qu'il entendoit et sçavoit bien le grand honneur
que vous lui faisiez faire par vostre Royaulme, dont
bien fort il vous remercye ; mais qu'il lui avoit de-
pesche une poste par laquelle il luy mande qu'au
plus tost il vous voise trouver. Je luy ai dict que luy
avez dressé son chemyn le plus court et que, puisque
faisiez vostre voyage du Puy, avant que ledict
sieur de Norffolke fut en Avygnon, vous y seriez de
retour. Il m'a replicque que, nonobstant, il veult que,
quelque part que soiez, il vpus voise chercher et
qu'il a chose à vous dire dont il a grande envie que
soiez adverty »...
ioo. — Lettre de François Premier à Jean
de Dinteville, Bailli de Troyes, son Ambassadeur
à Londres (').
Villeneuve (l) en Auvergne, 75juillet 1533.
... « Pareillement ay veu comme avez communiqué...
le propoz qu'il vous a tenu là dessus, touchant
le mal contantement qu'il a de Nostre Sainct Père.
A quoy ne m'estandray vous faire autre responce,
sinon que mondict bon frère peult estre asseuré que,
si nous sommes une foiz, Nostredict Sainct Père
et moy, je m'employeray envers Sa Saincteté, en ce
qui touchera et concernera son affaire, de sorte que
ceulx qui seront présents à la veue, pour luy, congnoistront
par effect que je n'estime ne estimeray jamays
(1)CollectionDupuy, t. 547,f. 250,4eligne; Camuzat,t. II,
I. 1o4.
(2)La Villeneuve,canton de Saint-Germainde Lembron,
arrondissementd'Issoire(Puy-de-Dôme).