1896-1898 Tome 18 - Ouvrages anciens sur Saint-Omer (Pas-de ...

CCLXXXIX
nement obtempérer, tant pour les guerres qui ont
heu cours que aussi pour éviter la conséquence qu'il
congnoissoit clerement qui en pourroit advenir.
Toutesfoiz, considérant que, de présent, il y a paix
et que honnestement il ne sçauroit plus dilayer à
ceste cause, combien que Nostredict Sainct Père, tant
pour le faict desdictes deux décimes que pour autres
parolles et promesses qu'il a faictes porter et tenir
par cy devant, audict sieur Roy très chrestien, ayt
grandement dissimulé envers luy, dont il dict avoir
grande et juste occasion d'estre très mal content,
neantmoins icelluy Seigneur espère que Sadicte
Saincteté aura devant les yeulx équité, vérité et
justice et qu'il ne tollerera, ne souffrira par cy après
que les églises de ses Royaume, pays, terres et seigneuries,
soient molestées par nouvelles et indeues
exactions, et que icelle Sa Saincteté aura mémoire et
recordation des services que la maison et coronne
de France a faictz, par le passé, audict Sainct Siège
Apostolicque et à elle mesme, depuis son Assumption
à la dignité papalle, et que, en tout et partout
ledict sieur Roy très chrestien s'est monstre envers
elle très obeissantetdevotfilzdel'eglise et luy a voulu
ordinairement complaire en tout ce dont il s'est peu
adviser, sans aucune longueur ne dissimulation. Et
d'autre part, si ladicte église gallicane se plainct,
encores plus extrêmement
de Bretaigne, tellement
se plainct celle du duché
que, aux derniers estatz
tenuz par ledict Seigneur en iceluy duché, les griefz
et doléances de ceulx de ladicte église luy ont esté
baillées, où il a trouvé des choses si très scandaleuses
et tant contraires et eslongnées de l'honnesteté