1896-1898 Tome 18 - Ouvrages anciens sur Saint-Omer (Pas-de ...

CCCLXXVII
honneur, voycy ung gentilhomme, qui venoyt de
Rome en poste, en extresme diligence devers le Roy
d'Angleterre, qui vient dire en l'oreille au duc de
Norfoc qu'il s'en alloyt signifier au Roy d'Angleterre,
comment sentence avoyt esté donnée contre
luy par pape Clément et luy en baille une petite
lettre, dont le pouvre duc demoura si estonué que
soudainement cuyda deffaillir et, ayant dict ceste
nouvelle à Tevesque de Paris, après s'estre le myeulx
rasseuré qu.'ilpeult, se retirent secrètement au logys
et commençant à communiquer par ensemble quel
remède se pourroyt trouver en cest affaire, Tevesque
de Paris, quisuyvant et saichant l'intention de
son maistre estre pour le bien de la chrestienté [que]
la chose si bien commencée se continuast, feist tant
envers ledict duc et aultres députez qu'après plusieurs
disputes, ilz se contentèrent que, pour suyvre
leur première opinion qui estoyt d'aller en poste
prendre congié du Roy, pour retourner devers leur
maistre, (r) le frère de la Royne seulement y iroyt en
poste et extrême diligence et pour sçavoir ce qu'il
luy plairoyt qu'ils feissent, et Bryant iroyt vers le
Roy pour Tadvertir aussi de ce qui leur estoyt survenu
et se plaindre de Toutraige du Pape.
[En marge : Ici sçavoir du Cardinal de Tournon
que portoyt la sentence].
Ils disoyent que, après que leur maistre auroyt
receu une telle honte, que d'estre condamné par le
Pape et déclaré excommunié, il ne seroyt honnestc
qu'eulxse trouvassent avec le Roy comme supplyans
vers ledict Pape, et disoyent que,s'ilzavoyent faict une
(I) Fol. 54, verso.