1896-1898 Tome 18 - Ouvrages anciens sur Saint-Omer (Pas-de ...

CCCXLIX
moins ce qui luy touchera que mon affaire propre.
Et ce pendant je continueray à faire tout ce qu'il me
sera possible envers Sadicte Saincteté à ce qu'il ne
soit riens innové en sondict affaire qui luy puisse
nuyre ne préjudiciel' (i) Au demourant, je vous
advertiz qu'il y a quatre ou cinq jours que Monsieur
le Duc de Norffolk est avec moy
101. — Lettre de François Premier à Jean
de Dinteville, Bailli de Troyes, son Ambassadeur
à Rome (!).
Narbonne, 12 août 1533.
Au demourant, Monsieur le Bailly, j'ay veue
ce que m'avez faict sçavoir par vostredicte lettre,
touchant Tadvertissement que mondict bon frère
avoit eu de Rome par ses ambassadeurs de la sentence
(3) donnée par Nostredict Sainct Père, à Tencontre
de luy, et le mal contentement et desplaisir
que icelluy mon bon frère en a eu, vous advisant
que, auparavant la réception de vostredicte lettre,
j'en avoys eu advertissement qui m'avoit très fort
despieu et desplaist, d'autant que j'avoys tousjours
espéré, quel'affaire, dont il est question, seroitremis
à la veuî de Nostredict Sainct Père et de moy, et
que, là, il se pourrait vuyder par quelque bonne et
honneste voye, au contentement de Sa Saincteté et
de mondict bon frère. Toutesfois, puisque la chose
(1)28eligne.
(2)Collection Dupuy, t. 547,f. 258,2e paragr., 28eligne.
Camuzat,t. II, f. 131v.
(3)Sentencesuspensive,déclaréeen consistoire,le 11juillet,
promulguéele 6 août et affichéeplus tard à Dunkerque.