1896-1898 Tome 18 - Ouvrages anciens sur Saint-Omer (Pas-de ...

CCCXLVI
98. — François Premier à Jean de Dinteville,
bailli de Troyes, son ambassadeur
à Londres (*).
Lyon, 16 juin 1533.
... Pour vous respondre à cela, vous direz de ma
part à iceluy mon bon frère que je n'ay jamays
entendu ni sceu que ladicte déclaration (2) ayt esté
faicte. Car les Cardinaulx ne autres ne m'en ont
riens escript. Et ne pense point qu'ilz ayent porté
telles parolles publicquement, attendu qu'ilz n'en
avoient aucune charge ne commission de moy. Car
j'entends très bien que cela n'eust pas esté à propoz
pour les mesmes causes que vous a alléguées mondict
bon frère.. (3)Vous luy pourrez respondre.. qu'il
est bien vray que je n'y ay nulles praticques, mays
aussi que je ne suis pour accorder à Nostredict
Sainct Père, quelque chose que Ton luy puisse avoir
escript ou dit au contraire, chose que je ne veoye
estre juste et raisonnable, ne qui puisse prejudicier
à iceluy mon bon frère ne à moy. Vous advisant
qu'il est très mal adverty de ce cousté là, soit par
ses ambassadeurs ou par autres. Et s'il vient à
propoz, vous le luy pourrez dire. Car je vous
declaire qu'il n'y a occasion nulle pour laquelle
ladicte veue se face, sinon celle qu'il a par cy devant
entendue. Et ne fault point qu'il en pense autre
chose. Vous priant n'oublier de le remercier très
grandement, de par moy, tant des bonnes et hon-
(1) CollectionDupuy, t. 547,f. 245,16'ligne; Camuzat,t.
II, f. 131.v.
(2)Relative aux Luthériens faite, selon Henry VIII, en
pleinconsistoire.
(3) 28*ligne.