1896-1898 Tome 18 - Ouvrages anciens sur Saint-Omer (Pas-de ...

CCCXCVIII
le Pape perdoit tout le moyen qu'il a eu, jusques à
présent, de gratifier à l'Empereur, en l'affaire
d'icelluy Roy, et estoit contrainct par les moyens
tenus par le Roy luy gratifier en sondict affaire, et
consequenmient se mettre totallement contre l'Empereur
; Là, où, s'il a tant soit peu de volonté
de demeurer lié avec luy, ledict Roy d'Angleterre
luy en a baillé le moyen ; et a de cette heure nostredict
Sainct Père beau jeu à se valloir envers icelluy
Seigneur, pour n'avoir gratifié audict Roy en façon
du monde, et est bien pour en attendre de luy un
grand gré et contentement, de sorte qu'il peut se dire
que ledict Roy d'Angleterre luy a donné de luymesme
un moyen et excuse qu'il n'eust sceu trop
achepter et dont Nostredict Sainct Père ne voudroit
tenir grande chose.
Aussy luy faudra ramentevoir, comme l'un des
principaux points, que sur les propos de cette entrevue,
ledict Roy d'Angleterre estoit en volonté de s'y
trouver en personne, mais à la fin, ne le pouvant
porter la commodité de ses affaires, dit y vouloir
envoyer homme qui y tint son lieu et y fust comme
un second luy mesme, qui fut Monseigneur de
Norfolk. La raison pourquoy il s'en retourna, se devra
desduire, si n'y faudra[-t-]il obmettre, qu'estant
le dict de Norfolk et autres serviteurs dudict Roy
d'Angleterre en opinion, que de remédier à la sentence
donnée à Rome seroit chose impossible, leur
fut monstre évidemment qu'encore s'y pourroit-il
pourveoir, moyennant qu'il s'y trouvast quelque
personnage garny de pouvoir, vouloir et suffisance,
et fut faict instance audict de Norfolk, d'ainsy le