1896-1898 Tome 18 - Ouvrages anciens sur Saint-Omer (Pas-de ...

CCCXCIX
persuader au Roy d'Angleterre, telle et si grande
que le Roy ny homme de son conseil ne doutait
qu'ainsy ne fist; car la façon, dont ledict sieur prenoit
cette affaire en main, méritait bien qu'en cella
il trouvast correspondance de ceux ausquels l'affaire
touchoit de si près. Et de faict n'y avoit celluy qui
peust se persuader le contraire, attendu mesmement
que M. de Vincestre [Winchester] qui fut envoyé
depuis l'arrivée dudict de Norfolk en Angleterre,
disoit estre venu pour faire tout ce qui luy seroit
ordonné par ledict Seigneur; qui estoit assez à penser
qu'il estoit garny de ce qu'il fault à un serviteur,
qui parle de faire et non pas de ne rien faire ; car
pour l'un, il faultestre garny des choses nécessaires
à quelque chose faire ; pour l'autre, il ne fault rien,
sinon ce qu'il apporta, c'est-à-dire rien. Toutesfois
ledict Seigneur, sans avoir esgard à ce que dessus, et
plus ayant de considération à l'amitié qu'il portait
à son bon frère, qu'aux erreurs évidentes qui luy
estaient faites en cet endroict, ne laissa de mouvoir
la pratique envers Nostre Sainct Père, telle et si
haulte, qu'il amena Sa Saincteté jusques à ce point,
que de luy accorder de faire tout ce qui se pouvoit
adviser, pour le contentement et satisfaction de son
dict bon frère. En quoy usa ledict Seigneur d'icelle
sincérité et patience qu'il ne voulut jamais, en façon
du monde, entrer ny faire entrer, avec Nostredict
Sainct Père, en négociation ou pratique de leurs
communes affaires, que preallablement cestuy là ne
fust vuidé, protestant à Sa Saincteté qu'il n'en seroit
jamais autre chose, et temporisa tant et si longuement,
que facilement pouvoit cependant venir un