1896-1898 Tome 18 - Ouvrages anciens sur Saint-Omer (Pas-de ...

CCCXCIII
à tout le négoce, sans en advertir ne luy ne ses gens,
à l'heure et au poinct que l'affaire avoyt esté si
longuement débattue d'une part et d'aultre, ainsi
que ses gens sçavoyent, et tellement conduyct par
luy, qu'entrant chez le Pape, pour le conclure, au
contentement de chascun et à son advantaige de luy,
il trouva, en haste partans, ceulx qui venoyent de le
rompre avec tel vitupère et tort faict à luy, que ses
ennemys ne luy en eussent sceu faire davantaige. Et
pour ce qu'encores avoyt ledict Roy adjousté, parlant
à quelqung, que le Roy luy avoyt promis de
jamais ne faire ce mariaige sans son consentement
exprès, et qu'en ceste promesse luy avoyt failly, des
aultres choses qui ne touchoyent son honneur il
estoyt pour en pardonner une bonne partie à la
passion et colère de son frère. Mais quant à ce quy
touchoyt son honneur, il n'y avoyt homme ou
monde à quy il en laissast passer le gros d'ung cheveu,
et pour ce le prioyt en fraternité et amytié que
s'il avoyt tenu ce propoz, qu'il s'en deportast. Car,
s'il y vouloyt persévérer, il sçavoyt bien ce qu'il
avoyt accoustumé de respondre quant on le chargeoyt
de son honneur, et en avoyt veu, peu d'années
au précèdent, l'expérience, et que luy n'en povoyt
pas moins attendre. S'il vouloyt vivre avec luy, etc. ».
iï5. — Mémoire des poincts que Monsieur
du Bellay, Evesque de Paris, aura à toucher
au Roy d'Angleterre (').
Novembre 1533.
« En premier lieu, luy fera entendre la délibération
(1)N°23515,f. 81-94.Copie. —Fondsdu Trésor des MissionsEtrangères.
Instructions des Ambassadeurs.Inédit.