1896-1898 Tome 18 - Ouvrages anciens sur Saint-Omer (Pas-de ...

CCLXXXVI
et celuy d'Angleterre, deffenseur de la foy, ilz
ont sceu et entendu que lesdictz deux sieurs Roys
se plaignoient grandement de Sadicte Saincteté,
comme estans très mal contens d'elle, et que, pour
avoir réparation des griefz que Sadicte Saincteté leur
faisoit, furent tenuz plusieurs et divers propoz, lesquels
pour estre iceulx cardinaulx, créatures de
Sadicte Saincteté et tenuz et obligez envers elle la
veullent bien advertir. Et, entre autres, se plaignoit
très grandement ledict sieur Roy très chrestien de la
dissimulation et façon de faire que Nostredict Sainct
Père a tenue, touchant les deux décimes que Sadicte
Saincteté luy avoit concédées et octroyées et lesquelles
ledict sieur entendoit seulement employer
pour la conservation et deffense de la chrestienté et
non ailleurs. Laquelle dissimulation et façon de
faire ont fort mescontenté ledict seigneur, d'autant
qu'icelles deux décimes ou plus luy eussent bien esté
facilement accordées parle Clergié de son Royaume,
si le Turc eust tiré plus avant, et qu'il eust fallu exécuter
le contenu au traicté faict entre lesdicts deux
sieurs Roys pour la deffense d'icelle chrestienté. Et
si ainsi est que Nostredict Sainct Père veuille sçavoir
le contenu dudict traicté, lesdicts deux sieurs Cardinaulx
luy endirontla substance ou luy en monstreront
le double, lequel leur a esté baillé pour cest
effect. Et là où icelle Sa Saincteté ne leur demanderoit
ne feroit instance de le veoir, d'eulx mesmes ilz le
luy pourront exposer.
D'autre part, remonstrant à icelle Sa Saincteté que
ceulx de l'église gallicane se sont grandement doluz
et plainctz audict sieur Roy très chrestien des nou-