1896-1898 Tome 18 - Ouvrages anciens sur Saint-Omer (Pas-de ...

CXCVII
trouvez ensemble, mais icelle employer à pourveoir
es choses qui pourroient survenir â l'advenir, à
ceste cause, nous, comme défenseur de la foy, et
nous, comme très chrestien, avons adviséet accordé
par ensemble, que nous, ou cas dessusdict, dresserons,
equipperons, et mettrons sus une bonne, grosse
et puissante armée, garnye et equippée de
tout ce qu'il appartient, pour empescher que'
ledict Turc n'entre plus avant en pais, pour
endommager ladicte chrestienté, et, pour ce faire
avons advisé de faire assembler noz forces, c'est
assavoir jusques au nombre de quatre vingts mil
hommes, dont y aura i5 mil chevaux, avecques telle
bende et nombre de pièces d'artillerye et suyte
d'icelle, tant de munition, que d'aultres choses qu'il
est requiz et nécessaire, pour l'armée dessusdicte,
laquelle sera souldoyé par chacun moys par
nous. Et se fera l'assemblée des forces dessusdictes
ou temps et lieu que nous congnoistrons estre expédient
et requis, et prendrons le chemyn que nous
verrons estre plus à propoz et nécessaire pour nous
trouver au devant dudit Turcq, pour luy résister de
tout nostre pouvoir, et ne nous desjoindrons et séparerons
ne semblablement nosdictes forces, sans le
vouloir et consentement l'ung de l'aultre. Et quant
au fait des vivres qui seront nécessaires pour le
nourrissement et fournisture de nostredicte armée,
nous y donnerons tel ordre et provision qu'il n'y
en aura nulle faulte ou nécessité. Et pour ces
effects, sera faicte la despence requise par nous.
Et pour autant que nous ne pourrions conduyre,
ne mener nostredicte armée es lieux, où besoing