1896-1898 Tome 18 - Ouvrages anciens sur Saint-Omer (Pas-de ...

CCCCV
estre venue d'entamer propos, ou, s'il peut, de le
faire entamer par iceluy Roy d'Angleterre, il viendra
aux poincts qui s'ensuivent, de rejoindre et reunir
icelluy Roy avec Nostre Sainct Père et le Sainct
Siège apostolique, luy proposant les mesmes moyens
dont il a esté parlé à Marseilles et autres qu'il verra
estre bons et raisonnables, de sorte que, Tune part
et d'autre, les injures ou attentats faicts ou receus
soient doucement réparez, ou qu'ils demeurent bons
amis, et y fera ledict de Paris, jusques à l'extrémité,
tout ce qui luy sera possible, n'oubliant à luy offrir
de faire, entre eux trois, une bonne confédération et
ligue deffensive. Toutesfois, là où il n'y verra ordre,
et que icelluy Roy demeurera totallement fasché et
arresté là dessus de n'en rien faire, il ne laissera
pour cella de le faire entrer, par de bons moyens et
propos, de [en] continuation de bonne amitié et fraternité
avecq le Roy, et de luy faire consentir que
là où (i), à cause du faict du mariage et des censures
qui en sont émanées et autres dépendances d'icelluy, il
luy seroit faict guerre par quelque Prince ou Potentat
qui soit, en ce cas il luy aydera et le soustiendra
envers tous ceux qui le voudront assaillir, suivant
les traictez et convenances qu'ils ont ensemble,
moyennant et pourveu qu'il luy soit faict par ledict
Roy d'Angleterre le réciproque, suivant lesdicts
traitez et convenances.
Et luy dira que, suivant Tadvis qu'il luy a cy
devant par plusieurs fois donné et encore fraischement
par Beauvais, il est délibéré d'en faire, en brief,
procéder avec le Roy d'Escosse, au mariage pour-
(1)Le copiste a écrit par erreur, « qu'il a ou ».