1896-1898 Tome 18 - Ouvrages anciens sur Saint-Omer (Pas-de ...

CCXCI
taige, que iceluy sieur Roy eust envoyé ung ambassadeur
pardevers ledict Turch, pour le dissuader, par
tous les moyens dont il se povoit adviser, de ne
venir ny entrer en icelle chrestienté, chose qui luy
estoit loisible de faire, estant l'un des principaulx
membres et princes d'icelle et qui avoit autant
d'interest en cest endroict que nul autre. Attendu
aussi que l'Empereur y avoit semblablement envoyé
ung autre personnaige de sa part, lequel a demouré
beaucoup plus longuement avec ledict Turch que
celuy que ledict sieur Roy y envoya, lequel n'y fut
que huit jours, toutesfoiz, aucuns personnaiges,
rempliz de maling esperit, ont semé contre vérité,
que ledict sieur avoit procuré la venue d'iceluy
Turch, en ladicte chrestienté qui n'est chose vraysemblable,
où y ayt aucune apparence. Lesquelles choses
sont venues à la notice et cognoissance de Sadicte
Saincteté, laquelle neantmoings n'en a voulu faire
nulles remonstrances pour la justificacion d'iceluy
sieur, combien qu'elle fust assez advertye d'icelle et
que ledict seigneur n'ayt faict le semblable, quand
aucuns affaires se sontoffers contre Sadicte Saincteté,
d'autant qu'il a tousjours supporté et soubstenu le
contraire de toutes les choses, dont il a veu que l'on la
chargeoit. Et oultre tout ce que dessus, icelle Sa
Saincteté a par cy-devant envoyé l'evesque de Verullan
(') devers les sieurs des Ligues, lequel a faict tout ce
qui luy a esté possible par menées, practiques secrètes
et autrement pour tascher de rompre entièrement
(1)Verè,Veroli. C'était Ennio Filonardi,titulaire de oe
siège depuis 1504,depuis Cardinal Evêqued'Albano, mort
le 19décembre1549.