1896-1898 Tome 18 - Ouvrages anciens sur Saint-Omer (Pas-de ...

cxcv
ennemy de nostre saincte foy, a, puis peu de
temps en ça, entreprises sur ladicte chrestienté,
nous, Henry (i), par la grâce de Dieu, Roy d'Angleterre
et de France, défenseur de la foy et seigneur
d'Irlande, et François, par icelle mesme grâce, Roy
très chrestien, combien que croyons fermement et
indubitablement que, nonobstant le bruict, rumeur
et aulcunes choses grandement scandaleuses, lesquelles,
par cy devant, ont esté controuvées, à rencontre
de nous, nous ne laissons neantmoins pour
cela, entre les princes et aultres personnages d'honneur,
vertus et de bonne et loyalle conscience, d'estre
tenuz et reputez, tels que princes et Roy s, tenans les
lieux que nous tenons, doyvent estre, et suyvant les
vestiges et vertus de noz progeniteurs, ainsi qu'il
appartient, faire à princes des plus grans de la
chrestienté et qui avons continuellement de tous noz
cueurs singulièrement désiré, comme encores desy .
rons entre les choses mortelles d'employer non
seulement noz forces et pouvoirs, mais aussy noz
propres personnes et vies à la deffense et conservation
de la religion chrestienne, et à res ister aux
dampnez effortz et violence dudict Turcq, nostre
commun ennemy et adversaire, dont peuvent porter
vray et loyal tesmoignage les offres par cy devant
faitz pour résister contre iceluy Turcq, toutesfoiz,
désirant de plus en plus donner clerc et parfaite
congnoissance de noz voulloir et intention à ce
(1)M. Breton, seigneurde Vilandry a écrit sur le parchemin
: « Ce traictô a esté depeschépar le Roy d'Angleterre,
où il se nomme le premier, et ne se fault esbahir de cela,
d'autant que le Roy se nommeaussy le premier en celuy
qu'il a faict et expédiéde sa part. »