1896-1898 Tome 18 - Ouvrages anciens sur Saint-Omer (Pas-de ...

CCCLXV
109. — Lettre de François Premier à Jean
de Dinteville, "son Ambassadeur à Londres
(').
Saint-Maximin en Provence, 5 octobre 1533.
... Au demourant, (2) voyans les Ambassadeurs
du Roy d'Angleterre, mon bon frère, que la fin du
mois de septembre dernier venoit à approcher (dedans
lequel terme, icelluy mon bon frère estoit pour
tumber es censures contenues en la sentence dernièrement
donnée à Tencontre de luyj, ils se retirarent
devers moy, pour me prier de voulloir
esçripre à mon cousin le Cardinal de Tournon, faire
instance envers Nostre Sainct Père le Pape et
ailleurs, où besoing seroit, pour la prorogation de
la suspension desdictes censures, ce que je feiz dès
lors, dont depuys j'ay eu responce par courrier
exprès. De laquelle je vous envoyé le double, afin
que vous le puissiez communiquer à icelluy mon
bon frère, et qu'il entende par cela ce qui a esté
faict, touchant ladicte prorogation. Vous advisant
que j'ay envoyé la lettre originalle à mon cousin le
Grand Maistre à Marseille, pour la monstrer ausdietz
Ambassadeurs d'icelluy mon bon frère qui sont là.
Vous advertissant au surplus que Nostredict Sainct
Père fust pieçà arrivé audict Marseille, n'eust esté
qu'il a faict si maulvais temps sur nier, depuis quelques
jours en çà, qu'il n'y a eu ordre que Sa Saincteté
se soit peu embarquer. Mais si elle ne Test de ceste
(1)7«ligne.
(2)CollectionDupuy, t. 547,f. 270; Camuzat,t. Il, f. 141.