1896-1898 Tome 18 - Ouvrages anciens sur Saint-Omer (Pas-de ...

CCCXIII
telz que nous sommes, conglutinez, allyez et unis
ensemble, comme une mesme âme en deux corps,
noz successeurs, postérité, pais et dominions, sub-
jectz, confédérés, allyés et adherentz concepveront
et engendreront, à l'exemple de nous, une parfaite
benevolence, amytié et union en leurs coeurs, qui
remaindra indissoluble, inextinguible et inviolable
à jamais par entre, tous eulx. Et noz ennemis et
leurs complices en abbaisseront leurs cornes et
enfin soy rendront et humilieront à toute raison.
Et, en tant que le Pape, plus que nul aultre, en
nostredict matière, nous a contre droict et raison
inquiétés et sans aulchun esgard à noz bonnes
mérites vers luy, nous pourroit inquiéter et fascher,
en ce qu'il, n'ayant aulcune juridiction, ne sur nous,
ne sur aulcun autre prince, mais, forvoyant trop
témérairement hors du chemyn et imitation de nostredict
benoistrédempteur Jhesus, qui, en ce monde
icy, volait se potestatibus sublimioribus subdere,
contrevenant aussy aux privilèges, prérogatives,
honneurs, dignités, auctorités et preheminences de
tous Princes et Roys, nous a injustement assigné
jour à comparoir par devant luy en nostre propre
personne ou par procureur. A laquelle assignation,
veu qu'il plaist à Dieu, par sa souffrance, que nous
soyons Roy, et que n'entendons faire chose qui soit
ou qui puisse estre préjudiciable, reprochable, à
deshonneur ou contumelie de la dignité royale ou à
la violation desdictz privilèges et prérogatives
royaulx, avons (comme il nous est loisible de faire
par Tauctorité que Dieu a donné et octroyé à tous
Princes) toujours refusé de comparoir en personne