1896-1898 Tome 18 - Ouvrages anciens sur Saint-Omer (Pas-de ...

ce
deffenseur de la foy et Seigneur d'Yrlande, pour la
deffense et la conservation de nostre Religion Chrestienne,
et aflln de résister aux efforts et dampnées
machinations et entreprinses du Turc, ancien
ennemy commun et adversaire de nostre foy, ayons
par certain accord et traicté, signé de nos mains et
scellé de noz grans sceaux, convenu et accordé que,
le cas advenant que iceluy Turc se voulsist par cy
après efforcer ou son armée de retourner et courir
sus en ladicte chrestienté, nous dresserons, equipperons,
et mettrons sus une bonne grosse et puissante
armée, garnye et equippée de ce qu'il appartient,
et que pour cest effect assemblerons jusques
au nombre de 80 mil hommes, dont y aura i5 mil
chevaux, avecque telle bande et nombre d'artillerye
et suitte d'icelle qu'il est requis et nécessaire pour
l'armée dessusdicte, toutesfois pour ce que, par cedict
accord et traicté, n'est aulcunement dit, spécifié, ne
déclaré quel nombre de gens chacun de nous payera
par chacun moys, tant que l'affaire durera et qu'il est
besoin en faire ample déclaration, par accord à part,
afïin que chacun de nous puisse entendre clerement
ce qu'il debvra fournir, à ceste cause, il a esté convenu
et accordé entre nous, par ce présent traicté
que nous, très chrestien, souldoyerons, pour nostre
part et portion desdicts 80 mil hommes, le nombre
de 53 mil hommes, dezquels y aura 11 mil chevaux
et 3ooo pionniers et gens d'artillerie, et nous, deffenseur
de la foy, en souldoyerons le nombre de
27 mil hommes, dont y aura 4000 chevaux et 3ooo
pionniers et gens d'artillerye, qui est en somme tout
ledit nombre de 80 mil hommes. Et au regard de la