1896-1898 Tome 18 - Ouvrages anciens sur Saint-Omer (Pas-de ...

CCCLXXXVI
suader à ne venir poinct à faire rompre contre le
Roy d'Angleterre (i). Et, à la fin, convinst entre eulx,
que ledict Pape permettroyt au Roy (2) que de luy
mesmes il envoyast vers ledict Roy d'Angleterre se
plaindre de l'outraige que luy avoyent faict ses
gens, faire remonstrances amyables de tout ce qu'il
luy sembloyt en ceste matière, et à la fin venir
dextrement à tomber là dessuz de renouer les
choses. Ce que, le Pape voyant le danger qui estoyt
de perdre totalement ce Royaulme là et le peu de
moyen qu'il avoyt de le reduyre par force, non seulement
[permit de le faire] mais eust à bien grant
plaisir que ledict Sieur l'entreprinst, de manière
que, à la parfin et, après y avoir bien pensé,
luy mesmes le prya très fort de l'entreprendre,
luy promettant que, là, où, dez lors, il vouldroyt
envoyer vers ledict Roy, en diligence, il temporiseroyt,
quant bien il arriveroyt à Rome, plus tost que
la responce n'en vinst, de manière que les grandes
fulminations ne se y feroyent poinct, quelque instance
que les parties en sceussent faire. Pour cela,
fut choisy Tevesque de Paris qui, comme dict est,
avoyt eu plusieurs communications avec ledict Roy
et luy estoyt bien agréable et luy fut donné charge
de ne laisser nulle chose derrière qui peust servir à
reduyre ce Roy là à quelque raison. Si se mist à
user de toute diligence et d'autant plus qu'il rencontra
par les chemins le Bailly de Troyes qui,
retournant d'estre ambassadeur par delà, avoyt
prins la poste pour venir en toute diligence advertir
(1) En marge : « Là se peult insérer les remonstrances».
(2)Fol. 57.