1896-1898 Tome 18 - Ouvrages anciens sur Saint-Omer (Pas-de ...

CCLXXIX
et harcquebuterye, depuis son arrivée, sans cesser
et durant ladicte entrée principallement.
Ledict jour, estant le Roy venu du lieu des Baigues,
trois lieues loing dudit Marseilles, où il avoit
attendu ladicte veue cinq jours, sur le soir vint loger
au jardin, où avoit couché ledit Sainct Père; et enviT
ron les dix heures de nuyct passa la marine, à privée
compaignye, et secrètement visita icelle Saincteté.
Aujourd'huy, qui est lundi, ledict Seigneur doit
estre receu en consistoire ; demain, qui sera mardy,
la Royne aura autre réception audict consistoire ; et
mercredi Monseigneur le Daulphin pareillement.
Lesquelles réceptions faictes, l'on communiquera et
regardera l'on amplement aux affaires pour lesquelz
l'assemblée et entreveue. s'est dressée, désirant de
chascun cousté les matières estre abbregées. Nostredict
Saint Père est très sain et en bon poinct, aagé
de cinquante cinq ans, passant moienne haulteur,
portant barbe longue jusques en l'estomach, homme
riant et qui porte l'esperit eslevé. L'on estime qu'il
pourra demourer par deçà jusques à la Toussaincts.
On lit au dos : De Ventreveue du pappe et du
rqy, au mojys d'octobre à Marceilles, année i533.