Descarga en formato PDF - Centro Ramón Piñeiro para a ...

José Augusto Ventín Durán. Fraseoloxía de Moscoso e outros materiais de tradición oral1. Introdución1.1. José Augusto Ventín Durán, o homeJosé Augusto Ventín Durán (24.6.1884 - 26.11.1942) 1 , de quen o lector pode ler un perfilbiográfico na epígrafe 1.8. redactado por un dos seus netos, foi un autodidacta querecolleu un importante conxunto de materiais fraseolóxicos e de tradición oral que hoxeparan no arquivo da Real Academia Galega.Antes de máis nada queremos agradecer a tódolos parentes de José Augusto Ventín Durána autorización para a edición destes manuscritos e tamén as noticias biográficas á súa fillaIlda Ventín Cabada, ós seus netos José Augusto Ventín Pereira, Rosa María CurujeirasVentín e Juan M. Otero Ventín, e ós sobriños Daniel e Aurelio Curujeira Ventín. Tamén aalgúns veciños de Moscoso que nos facilitaron contactos (maiormente Domingo AmoedoDurán e Claudio Gómez Vázquez).O material que conteñen estes manuscritos (maiormente o fraseolóxico) presentarepeticións e variantes. Isto obrigounos, como diremos en 1.7., a preparar unha edicióncrítica que lle ofreza ó lector non só a versión que ventamos que Ventín Durán tiñaprevista senón tamén a lectura literal dos diferentes manuscritos.1 A partida de bautismo, que amablemente nos facilita D. Xosé M. Lence García, párroco actual de Moscoso,certifica que José Augusto Ventín Durán naceu ás cinco da mañá do 24.6.1884 e que ese mesmo día obautizou o párroco que había daquela, D. Pedro Gómez; engade que era fillo lexítimo de Manuel VentínVidal e de Carmen Durán, que os avós paternos eran Andrés Ventín e Benita Vidal e que os maternos eranAndrés Durán e María de los Dolores Míguez. Dato moi propio desa comarca é a emigración a Portugal: amadriña do bautismo foi por poder María Angélica Franco, vecina de la Ciudad de Lisboa en el Reino dePortugal. Non figura padriño. Como é preceptivo na marxe da inscrición de bautismo aparece anotado queJosé Augusto Ventín Durán casou con Rosa Cabadas [sic] Montes o 13.1.1908.Cadernos de Fraseoloxía Galega, Anexo 1, 2007. Centro Ramón Piñeiro para a Investigación en Humanidades. Real Academia Galega.XVII