Azalpenezko testu entziklopedikoaren azterketa eta ... - Euskara

Aukeratutako testuen karakterizazioaren lehen hurbilketa egiteko, hipotesi
mailako datuekin arituko gara. Testu entziklopedikoa, Bronckart-ek (1996)
eskainitako lau arketipoetan kokatu behar izango bagenu, testu teorikotik
ikusten dugu hurbilen –ikus 2.1. grafikoan Bronckart (1999) autoreak nola
ikusten duen intertestua–. Hona hemen, baieztapen horretarako erabili
ditugun datuak: 1) Aukeratutako testuak entziklopediatik jasotakoak dira–
batzutan entziklopedia orokorretik atera ditugu eta bestetan entziklopedia
tematikoetatik–, beraz, genero zientifiko entziklopedikoa dugu. 2) Testu
horietan mintzagaiak –eduki tematikoak– komunikazio egoeraren espaziodenborarekiko
solidaritatea gordetzen du: mundu diskurtsibo konjuntoa da
egilearena eta testuarena, eta bestalde, autonomia osoa gordetzen duena
hizkuntz-jardueraren parametro fisikoei dagokienez. Esan daiteke, beraz,
gure corpuseko testuetan “l´EXPOSER” (azalpena) autonomia osoa
dagoela, agentibitate instantziekiko abstrakzio osoa ematen baita. Maila
hau, halere, ez da gure interesekoa, abstrakzio mailan ari baikara
(arketipoen mailan). Beraz, jaitsi gaitezen hurrengo analisi-mailara, bertan
ikusi ahal izango baititugu testu horien hizkuntz aztarnak, hots, ezaugarri
linguistikoak.
2.1.grafikoa:
Intertestua: Testu-genero "lausoen" adibidea (Bronckart, 1999)
Narrazioa Testu Teorikoa
Elkarrizketa
118