Azalpenezko testu entziklopedikoaren azterketa eta ... - Euskara

Asoziazio bidezko anafora, beraz, testuan aurretik aipatu gabe
dagoen arren, identifikagarria edo ezaguna da irakurlearentzat.
Hona hemen adibide bat:
(45) Il s´abrita sous un vieux tilleul. Le tronc était tout craquelé (Fradin,
1984)
Oro har, ondorengo bi ezaugarri dituzte asoziazio bidezko anaforak
osatzen duten izen sintagmek (Apothéloz eta Reichler-Béguelin, 1999,
364.or.):
- interpretatua izateko, testuan aurretik aipatu aurrekari batekiko
menpetasun erlatiboa izatea (gutxi batzuetan atzetik datorren bati).
- aurrekariarekiko erreferentziakidetasunik ez izatea.
Hona hemen autore horiek jartzen duten asoziazio bidezko anaforen
adibidea:
(46) “Cette main brune aux ongles encore plais de terre, était là, sous ses yeux[...]. La
paume á demi ouverte, les doigts repliés, elle semblait morte ( G. Bernanos,
Nouvelle (histoire de Mouchette, Lausanne: La Petit Ourse, 1956:132)”(Apothéloz
eta Reichler-Béguelin, 1999)
Kleiber-entzat (1999) ondoko adibideetako zeharkako anafora
inferentziala ere posible da:
(47) Paul est allé au théâtre. Ils jouaient du Corneille.
(48) J´ai acheté une Golf, parce qu´elles sont robustes.
Asoziazio bidezko anaforen problematika oso zabala da, eta hala
aitortzen dute berari buruzko soluziobideak aurkitzen saiatu diren autoreak.
Asmo horrekin abiatzen da Kleiber (1999) eta hainbat argitasun eta
zehaztasun ematen du anafora-mota hau dela eta.
Autore honek, asoziazio bidezko anaforan osotasuna/atalak harremanak
aztertzen ditu. Horretarako, lehenengo eta behin, osotasuna/atala erlazioa
ez dela horren sinplea esaten digu, ez baitu beti ongi funtzionatzen. Hortaz
ohartarazteko honako bi adibideok dakartza 86 :
(49) ? Le garçon a couru sous la pluie. Les pieds étaient mouillés. (Kleiber,
1999, 72.or)
(50) ?Elle a heurté le chien, mais elle n´a pas coincé la patte (Fradin, 1984,
328or.)
86 Adibidearen hasierako galdera ikurraren bitartez (?) adibide ez onartua dela adierazi nahi da.
186