Azalpenezko testu entziklopedikoaren azterketa eta ... - Euskara

Beraz, esandakoan oinarrituz, ikasleen aniztasunari diziplinen
didaktiketatik etorriko zaio erantzuna. Hona hemen, Bronckart eta
Schneuwly (1991) autoreek, gestio didaktikoa martxan jartzeko
proposatzen dituzten hiru etapak: arazoak aztertu eta ataletan
deskonposatu; eskuhartze pedagogikoaren baldintzak definitu eta
proposamen didaktiko berriak finkatu.
1.7.eskema:
Dimensions de la diversification, Schneuwly, Rosat, Pasquier eta Dolz, 1993.
Schneuwly, Rosat, Pasquier eta Dolz-ek (1993) ikasleen aniztasunari
erantzuteko hiru mailatan dibertsifikatu beharra ikusten dute: 1)
diskurtso-generoak dibertsifikatu; 2) landuko diren gaitasun-mailak
dibertsifikatu (kontestualizazioa, planifikazioa eta testualizazioa) eta 3)
jarduera didaktikoak dibertsifikatu (behaketa lanak, idazketa jarduerak,
jarduera metalinguistikoak,...). (ikus 1.7. eskema).
Kapitulu honetan, eta zehazkiago alderdi didaktikoan esandakoak
aproposak eta baliogarriak dira ikasleen aniztasunari erantzuteko.
Laburbilduz, hizkuntzaren didaktikatik ikasleen aniztasunari
erantzuteko kontuan izan behar diren baldintzen zerrenda dakargu hona:
proiektuen bidezko irakaskuntza proposatu, irakaskuntza ikasleen
aniztasunetik abiatu, autoerregulazioa garatzen lagunduko duten
46