Azalpenezko testu entziklopedikoaren azterketa eta ... - Euskara

3) Onuragarria da eta komenigarria, gainera, modu kontrastiboan
lantzea, hau da, testu mota ezberdinak alderatuz (narrazioa eta
argudioa, esaterako) eta baita, komunikazio parametroak aldatuz
ere, esaterako, hartzaile ezagun eta ezezagun bati idatzi, etab.
4) Sekuentzia didaktikoaren barruan sortutako hizkuntz ekintza
ahalik eta ingurune errealenean sortu behar da, eta, halaber, ahal
den guztietan, "eskola-ariketa" deritzon ekoizpen artifizialak
baztertu.
Sekuentzia didaktikoaren lehendabiziko deskribapen horren ostean
hamaika teorizazio egin izan da eta tresna hori erabiliz sortutako hizkuntza
irakasteko materialak ere ugari izan dira. Materialen artean aipagarriak
ditugu Genevako Kantoian garatu direnak. Euskal Herrian ere gero eta
hedatuago dago sekuentzia didaktikoaren erabilera.
5.2.Sekuentzia didaktikoaren helburuak eta edukiak
Lehenengo eta behin, Sekuentzia Didaktikoa (SD) 40 ikasleak
dakienetik hasi behar da. Horregatik, lortu nahi ditugun helburuak
finkatzea ikasleen zailtasunak ezagutu ondorengo lana izango da.
Printzipio horri helduz, Delcambre-k (1996) esaten du, besteak beste,
ezin dela ekoizpeneko ikaskuntza antolatu ikasleen ekoizpenak dakitenaren
edo ez dakitenaren "indikadore" modura irakurtzen ez badakigu. Lan
eraginkorra egite aldera, halere, edukiak "a priori" definitu beharko dira,
jakinda, baina, hori ez dela nahikoa eta dagokion ikasle taldeari egokitu
beharko zaizkiola jakinda (Schneuwly, Rosat, Pasquier eta Dolz, 1993).
Horrela, ikasleen gaitasunak ezagutu ondoren, hasierako helburuak eta
edukiak berdefinituko dira eta ikasleen gaitasunetara egokituko.
Zentzu honetan generoen inguruan eginiko lanek informazio
baliagarria ematen digute. Lanok, ebaluazio formatibo egonkorrari esker,
helburuak eta edukiak ikasleen gaitasunetara hestuki egokitzen joan dira
(Bain & Schneuwly, 1987; Mas, 1989; Delcambre, 1996, besteak beste).
Hona hemen SDaren helburuen definiziorako kontuan izan
beharrekoak (Schneuwly, 1991a): a) helburu gutxi eta zehatzak aukeratu.
Unean uneko eremuari dagozkion helburuak lortzeko ikaskuntzaren
prozesu sakon eta iraunkorrak ahalbideratu; b) lorgai diren helburuak
SDaren hasieratik ezagunak izan ditezela ikasleentzat eta, are gehiago,
40 Hemendik aurrera sekuentzia didaktikoa: SD
68