Azalpenezko testu entziklopedikoaren azterketa eta ... - Euskara

179
eta erakuslea agertzen badira, berriz, bigarren gradukoa gehienetan
(enpresa hori, jokalari horiek), nahiz eta zenbaitetan hirugarrenekoa ere
behar izaten den (bilera hartan...). Aurretixe aipatutako zerbaiten
erreferentzia egiten dugun kasuez ari gara, betiere.(83. or)
5.2..2.3. Titulu/azpitituluetako errepikapena eta sinonimia
Euskaraz, beste hizkuntzetan bezalaxe, gaia tituluan aipatu arren,
testu hasieran berriro ere aipatu beharraz dihardu Petrirenak (1999).
Horren beharra nabarmentzeko honako adibidea dakar (25). Bertan ikus
daitekeenez, Alain Carignon ez da aipatzen, bera izanik ere aipagaia,
seguruenik tituluan eta sarreran aipatu delako eta berriz ez esateagatik.
Baina, izena ordezkatzeko, azalpen luze samarra ematen da haren tokian
eta horregatik (26) ko aukera proposatzen da:
(25) Edouard Balladurren gobernuan, 1993an, Komunikazio ministroa
izandakoak justizia prozedurako ahalbide guztiak erabili ditu Isereko
Kontseilu Nagusiko lehendakaritzatik dimititzea azkenengo epea arte
atzeratzeko.(Petrirena, 1999, 89.or.)
(26) Edouard Balladurren gobernuan Komunikazio ministro izan zen Alain
Carignon, 1993an (…). (Petrirena, 1999, 89.or.)
Orobat, ez da egoki ikusten honelako hasiera ematea testuari (27)
(titulua eta azpitituluaren ondoren):
(27) Txapelketa honetako bi partidu jokatuko dira gaur arratsaldean.
(Petrirena, 1999, 89.or)
Bestetan, ostera, gehiegizko dirudite testu bereko errepikapenek (28).
Ikus proposatzen diren aldaketak (29):
(28) Bakerok modu onean konpondu nahi du Veracruz taldearekin /
Taldeak zor dion soldata ordaintzeko eskatzen dio Bakerok Veracruzi.
(Petrirena, 1999, 90.or)
(29) Bakerok modu onean konpondu nahi du Veracruz taldearekin/ Zor
dioten soldata ordaintzeko eskatzen du jokalariak. (Petrirena, 1999, 90.or)
5.2.2.4.Nominalizazio bidezko anafora
5.2.2.4.1. Ezaugarri orokorrak
Izen sintagma batek testuan aurretik aipatu prozesu edo egoera bat
erreferente bihurtzen duenean deitzen da nominalizazio bidezko anafora.