Azalpenezko testu entziklopedikoaren azterketa eta ... - Euskara

275
(150) “...Aintzinatean, espezieak eta zeta ziren Ekialdeko produkturik
preziatuenetakoak. Bai elaborazio-teknika eta bai zetarraren hazkuntza, arretaz
gordetako sekretuak ziren Txinan; handik zetozen, Pertsia zeharkatu eta gero,
Europan saltzen ziren oihalak..”(Zetarra, GE, 54. testua)
(151) “..Mozketarako, lehenik berotu egiten da pieza sopletearen sugar arruntaz.
Metala gori dagoenean, oxigenoaren...”(Soplete oxiazetilenoaren bidezko
soldadura, PE, 24. testua)
(152) “Piezaren gainean eginiko presioak deformazioak sortarazten ditu, hasierako
eitea aldatuz, nahi den forma lortu arte. (Forjaketa, PE, 14. testua)
(153) “Errefinaketa. Normalean petrolio gordina ez da zuzenean erabilgarria,
produktu egokietan transformatu behar da....”(Errefinaketa, EHE, 47. testua)
(154) “...egur bat edo beste materialen bateko blokeren bat bi euskarrien gainean,
ataburu modura, jartzea da. Kasu honetan, presioak bertikalak dira...” (Ganga,
GE, 56. testua)
(155) “...Orea prestatu ondoren, orria eratu behar da. Antzina, prozesu hau eskuz
egiten zen; gaur egun paper-tira jarrai luzeak eta handiak sortzen dituzten
makinak daude...” (Papera, GE, 57. testua)
(156) “..Sagardoa prozesu naturalaz burutzen da eta %4-5 alkohol inguru izaten du.
Sagarra bildu eta leku lehorrean gordetzen da...”(Sagardo, EHE, 44. testua)
(157) “Gimnospermo ezagunenak koniferoak (pinuak) dira. Ugalketa organoei kono
esaten zaie, eta batzuk...”(Gimnospermoen ernalketa, LET, 30. testua)
4.2. Anafora pronominalak
Esan bezala, anafora pronominalek anafora guztien % 9,24 osatzen
dute. Eta proportzio hori oso modu beretsuan mantentzen da analizatu
ditugun entziklopedia guztietan, ondoko taulan ikus daitekeenez:
Gogora dezagun, Garciak (1999) ere antzeko datuak ikusi dituela
testuliburuetako testuetan: anafora pronominala %12, 02.
6.9.taula:
Anafora pronominalen errepresentagarritasuna %tan entziklopedia ezberdinetan eta guztira.
LHE PE LET EHE GE Guztira
6,99 5,66 7,31 3,66 8,23 6,62
Beraz, esan daiteke anafora mota hau oso urria dela testu mota
honetan, anafora nominalen bitartez gauzatzen baita kohesio mekanismoa,
proportzio handi batean behintzat.