Azalpenezko testu entziklopedikoaren azterketa eta ... - Euskara

modua dela eta, paratestuko elementuak gure analisitik kanpo geratu dira.
Horregatik, ezaugarri horrek garrantzi gutxi izan du gure lan honetan.
2.3.3.Anaforetan eginiko arau-hausteak analizatzeko
kategoriak
Ikasleen ekoizpenetan bi analisi-mota egin dira: bata anafora
dentsitatea eta anafora-motak; eta, bestea izen kohesioa dela eta ikusi diren
arau-hausteak. Azken honetarako, Reichler-Béguelin (1988a, 1988b)
autoreak definitutako lau arau-hauste arruntenetan oinarritu gara ikasleen
testuak analizatzeko:
1)Aurrekaria identifikatu ezina duten adierazpenak. Ikasleek
erreferente inplizitoko anaforak erabiltzen dituzte. Batzuetan
erreferentziazko unibertsoan agertu ez den elementua berreskuratu nahi da
anafora baten bidez. Adibidez:
(17) “(...)Kontserbatan sartu eta pisatzeko ordua heldu da./Oso garrantzitsua da haizea
ez sartzea eta horretarako tapa hermetikoki itxi behar da...” ( 1-A1)
Adibide honetan, non ez sartzea? Aurrekaria aipatu gabe. Alabaina,
badakigu latetan dela, ondoren "hermetikoki itxi behar dela" esaten
duelako.
2) Numeroan eta pertsonan komunztadura arazoak. Anafora
batzuk ezin dira dekodifikatu, ez baitute komunztadurarik bere lexema
aurrekariarekin.
- Komunztadura arazoak (numeroan)
(18) “ ...Batzuk urazukretan eta besteak mermeladarako sailkatzen dira. Poteetan sartu
baino lehen azken aukeraketa egiten da. Ondo badago produktuak ontzikietan
sartzen dira, pisatu eta urazukrea gehitzen zaiei.(...)"(1-A2)
3) Arazo lexikalak. Desadostasuna esanahian igorlea eta irakurleen
artean. Desadostasun hau nozio baten kontzeptuaren mugak
definitzerakoan datza.
(19) " Mertxikaren fabrikazio prozesua/ Barazki batzuk ezin dira(...)" (4-A1)
4) Erreferentziazko anbiguitateak
234