Azalpenezko testu entziklopedikoaren azterketa eta ... - Euskara

305
berreskuratzeko erabili da batik bat. Horrez gain, zerrenda modura ematen
diren fabrikazio-urratsak izendatzeko ere errepikapena ikusi da. (7)
adibidean, esaterako, urratsa da errepikatzen den terminoa, baina,
bigarrena "a" anaforizatzailearen bidez berreskuratzen da, eta ondoren
hirugarren urratsa-rekin berriro ere urratsa errepikatzen da. Beraz: Lehen
urratsa BigarrenaHirugarren urratsa.
(7) Lehen urratsa, hartutako produktua garbitzea da. Bigarrena, baldintza egokiak
dituen ikustea./ Hirugarren urratsa melokotoiak zatitzea da. (...) (4-A1)
(8) " Bigarren prozesua hezurra kentzea da, prozesua ondo jarraitzeko. Hirugarren
prozesua da, (...). Laugarren prozesua, ura azukratu baten sartzen dute(...).
Bostgarren prozesua, muxikak pote batzuetan sartzen dute. Ondoren seigarren
prozesua ontzikiei. ..."(12-A1)
Gutxi batzuetan, interpretazioa garbi geldi dadin, errepikatu egiten da
terminoa:
(9) (...)Ontziki ona eduki eta ermetikoi itxi ontzikiak... (2-A1)
Guk analizatutako ekoizpenetan gehien errepikatzen diren terminoak
anafora-bilbe luzeetan ematen direnak dira: mertxika, potea (ontzikia, lata),
etiketa, fruta,...
Bestalde, ikasle gehienek egokitasunez erabili dute errepikapen
mekanismoa, eta, gutxi batzuek, bakarrik, beste mekanismo egokiago baten
ordez. Azken kasu honetan termino beraren errepikapena erredundante
bihurtzen da irakurlearentzat. Fenomeno hori B1 eta B2 testuetan ikusi da
soilik. A1 eta A2 testuetan terminoa isiltzea da errepikapenaren ordez
gehien erabili den mekanismoa. Hona hemen erredundante ikusi ditugun
zenbait adibide:
(10) Lehenengo pausoa arboletatik hartzea da muxika./Bigarrena muxika
kontserbatu./ Hirugarren pausua muxikak garbitzea da./ Laugarrena muxikaren
kalitatea./(..) (8-B1)
(11) Muxikaren prozesua arboletik hasten da, muxika aukeratu, muxika
ikustatu,...(...)(12-B2)
(12) (...) hezurra kendu,hezurra behera jartzen da,....(12-B2)
(13) (...)Geroago beste makina batek hezurrak kendu egiten ditu makina horrek
hezurra kendu ez badu egiten geroago han egoten dira langile batzuk hezurrak
kentzeko, azala....(13-B2)
(14) (..)melokotoiak potean sartzen dute poteak pisatu eta urazukrea gehitzen zaio.
Oso garrantzitsua da potea ondo istea.(...)(16-B2)