Azalpenezko testu entziklopedikoaren azterketa eta ... - Euskara

7) Euskara hizkuntzaren izen kohesioari buruzko deskribapen gutxi
dago, beraz, aipu gutxi egingo da euskararen funtzionamenduaz.
2.3.2. Izen kohesioa aztertzeko erabilitako unitateak:
Dakigunez, izen kohesioaren funtzioak bi dira: gai edo pertsonaia
berriak sartzea eta horien berreskurapenak eta erlazioak ziurtatzea testuaren
hurrenkeran. Mekanismo horiek gauzatzen dituzten unitateak anaforak
ditugu; horiek izen sintagmak eta izenordainak dira nagusiki. Unitate
horiez gain, beste unitate batzuk ere aukeratu ditugu gure analisirako:
perpausa metadiskurtsiboak, beste anafora batzuk (leku adberbioak, batik
bat), eta paratestuari erreferentzia egiteko beste zenbait unitate.
Kategorizaziorako, bi irizpide izan dira kontuan: diskurtsoaren
psikologian anaforen funtzionamendua batetik (Bronckart &kol., 1985;
Bronckart, 1996) (Schnewly&Bronckart, 1986), eta bestetik, anaforen
funtzionamendua azalpen testuetan (de Weck,1991; de Weck&Schnewly
1994; Rosat, 1995).
Hona hemen aukeratu diren kategoria guztiak:
2.3.2.1.Anafora nominalak:
Errepikapena
5.5.taula:
Anafora motak
Anafora motak
Anafora nominalak
Errepikapena
Determinazioa
Testu barneko erreferentzia deiktikoa
Ordezkapen lexikala
Anafora kontzeptuala
Asoziazio bidezko anafora
Anafora pronominalak
Izenordain erakuslea
Izenordain zehaztugabea
Beste anafora batzuk
Perpausa metadiskurtsiboak
Paratestuaren erreferentzia
Testuan zehar askotan, gai aldaketarik ez dagoen kasuetan, batik bat,
gai nagusia aurrekariaren lexema berberarekin berreskuratzen da.
226