Azalpenezko testu entziklopedikoaren azterketa eta ... - Euskara

6.2.2. “Beste batzuen ahotsen” enuntziatuen aztarnak
Lehen lokutoreak, testu osoaren kudeaketaz arduratzen den entitate
diskurtsiboa den heinean, beste batzuen ahotsak ekar ditzake testura: beste
entitate diskurtsiboen ahotsak, esaterako: bigarren lokutorearena eta
enuntziatzailearena. Beraz, hemen, honako enuntziatuak bereiztuko
ditugu:
a) Bigarren lokutore baten enuntziatu aztarnak. Horiek diskurtso
zuzenaren enuntziatuak dira, beste lokutore baten enuntziatuak
ordezkatzen dituztenak.
(64) "Selon J. Tinbergen: "la politique économique consiste en la
manipulation délibérée d´un certain nombre de moyens déployés afin
d´atteindre certains fins..."(M)
(65) "...disait sur le même registre J. Rueff"(Q)
b) Enuntziatzaile baten enuntziatu aztarnak. Lehen diskurtsotik
(Bajtín, 1979/82) atera diren birformulatutako enuntziatuak dira
horiek. Enuntziatuok, oro har, Authier-ek (1982a) testu
heterogeneoetatik ateratako unitate linguistikoen errepertorioa
osatzen dute: pertsona markak, modalizatzaileak, forma pasiboak,
aditz pronominalak, galderazko perpausak.
(66) "Adam Smith voyait dans la réalisation d´économies dues à une
production à grande échelle une source importante d´augmentation de la
prospérité nationale..."(E)
(67) "Conséquente, la Société de Banques Suisses s´est d´ailleurs empressée
de prendre position sur ce marché prometteur"(Q)
6.3.Unitateen analisia
Aurreko puntuan adierazitako estrategiak hizkuntza bidez nola
gauzatzen diren ikusteko aztarnetara jaitsi beharra dago. Plazaola, Rosat eta
Canelas-Trevisi (1995) autoreak, “azalpenezko testu entziklopedikoak”
karakterizatzeko, ondoko ezaugarrietan oinarritu dira:
6.3.1.Lehen lokutorea
a) Azalpena. Eremu kontzeptual baten argitara objektiboak diren
kontzeptualizazioak agertzen ohi dira azalpenezko enuntziatuetan.
Horregatik, eremu kontzeptual bati dagozkion definizioak eta
204