Azalpenezko testu entziklopedikoaren azterketa eta ... - Euskara

dispositibo pedagogikoren antzera– ikasleen ikaskuntzan aurrera egitea
izan duela helburu. Prestatutako lanabes didaktikoa ikastola bateko
ikasgelan aplikatu da 4 .
Hona hemen lan honekin lortu nahi diren helburuak:
-Testua “helburu zehatza betetzeko asmo edo behar batzuek sortutako
unitate komunikatiboa” ulertzen duen marko teorikoan oinarrituz,
euskarazko azalpenezko testu entziklopedikoaren funtzionamendua (izenkohesioa)
deskribatzea.
-Euskarazko testu-genero bat deskribatu ondoren, horren erabilera
didaktikoa erakustea.
-“Testu pedagogia" deritzan teoria hizkuntzaren erabileran oinarrituta eta
hizkuntzaren erabilera bultzatuko duen didaktikarako marko baliagarri
dugula erakustea.
-Derrigorrezko Lehen Hezkuntzako (DLH) 6. mailako ikasleek prozesuak
deskribatzen dituzten testuetan izan ohi dituzten zailtasunak identifikatu eta
horiek hobetzeko proposamen didaktikoak egitea.
-Ikasleek “antolakuntza pedagogiko” konkretu bati esker ikaskuntzan
egiten dituzten aurrerapenak ikustaraztea.
-Testu mailan landutako alderdiek perpausa mailan hobekuntzak
sortarazten dituztela ikustaraztea.
Helburu horiei erantzuteko egindako ikerlana bi zati nagusitan
banatuta aurkezten da, hau da, alderdi teoriko eta alderdi enpirikoan
banatuta. Alderdi teorikoan, ikerketaren helburu nagusiak bete ahal
izateko egin behar diren froga esperimentalak gidatzeko beharrezkoa den
berrikuspen teorikoa egiten dugu, lau ardatz nagusiri jarraituz:
lehendabizikoa, hizkuntzaren didaktikaren berrikuntzari dagokiona;
bigarrena, testuen analisirako eta didaktikarako marko teorikoari
dagokiona; hirugarrena, azalpenezko testu entziklopedikoari dagokiona;
4 Antolakuntza pedagogiko hori Arrasateko (Gipuzkoa) San Frantzisko Xabier ikastolan eraman da
praktikara. Dispositibo honen aplikapena Mª Sol Etxabe irakaslearen eskutik eraman da gelara, bera
irakasle zen ikasgelan, 1997-98 ikasturtean. Nire eskerrik beroenak San Frantzisko Xabier ikastolari, eta,
bereziki, Mª Sol Etxabe irakasleari, lan honetan laguntzeagatik. Aipatu ikastolako ikasgela guztiak D
ereduko gisa definitzen badira ere, ikasgela berean ama hizkuntza gaztelera eta euskara dituzten ikasleak
daude, Euskal Herriko D eredu gehienetan bezala.
15