Azalpenezko testu entziklopedikoaren azterketa eta ... - Euskara

(1983), berriz, bulgarizazio lanen igorlea kazetari profesionala da ia
gehienetan. Idazle honek diziplinan aditua izanik, gehienetan ez du
ikerketetan parterik hartzen.
Igorlearen ikuspuntua
Igorleak jakintzagaiaren inguruko azalpenak eta transformazioak
ematen ditu. Igorleak gaiarekiko hartzen duen ikuspuntua objetiboa da.
Entziklopedietako testuak eta hartzailea
Badirudi, aipatu beste bi generoek, bai aldizkari espezializatuak eta
bai obra espezializatuak ere, nahiko definituta dutela zein den beren
hartzailegoa.
Lehendabiziko generoaren hartzailegoa, oro har, diziplinaren
hartzailego aditua da: bai espezialistak eta diziplina horretako espezialista
ez direnak, baina mugakide den beste diziplina bateko ikertzaile edo
irakasleak. Bigarren kasuan, obra espezializatuko hartzailegoa ere nahiko
definituta dagoela dirudi: eskola adinean dauden haur eta gazteak
(Rosat,1995).
Entziklopediak, berriz, ez du oso definituta bere hartzailegoa; adinez
aniztasun handia bil baitezake genero honek, eta, halaber, hartzailearen
aurrezagutzaz ere, gauza bera esan daiteke. Hortik datozkio entziklopediari
bere hartzailea identifikatzeko dituen zailtasunak. Indefinizio horrek
arazoak sor diezaizkioke idazleari zenbait erabaki hartzeko orduan.
Erabaki horiek bi sail handitan banatuko ditugu:
Batetik komunikazio parametroei dagokienez –idazleak
parametro horiek aldatzen baititu zientzia-testua entziklopediako testu
bihurtzean–Eragiketa hau egiteko igorleak bere hizkuntz- gaitasunak
mobilizatzen ditu komunikazio-egoera jakin bati begira.
Eta, bestetik, mintzagaiari dagokionez, zenbait erabaki hartu behar
ditu idazleak. Mintzagaiaz hitz egitean, bi alderdi dira kontuan izatekoak:
1) kontzeptualizazio-maila, eta 2) kulturala. Lehendabizikoari dagokionez,
pentsamendua dugu, kontzeptuen bidez eraikitzen dena, eta bigarrena,
sozialki emana etortzen zaiguna, solaskideen artean ezarriko den
komunikazioa, harreman-espazio jakin batean –espezialisten arteko
harremana, irakasle-ikasleen artekoa, etab.– (Vigner, 1993).
136