Azalpenezko testu entziklopedikoaren azterketa eta ... - Euskara

itzulpenak ez baitago genero-oposaketarik (Zabala, 1996). Ildo
beretik abiatzen da Petrirena (1999) izenordain hutsaren erabileraz
honako oharrak egiten dituenean:
“Batzuetan izenordain hutsa eskas da, beste batzuetan alderantziz gertatzen
zaigu, hartan edo horretan edo beste halakoren bat jartzen dugula murritz
gelditzen dena, behar bezalako zehaztasunik gabea. Normalean izen baten falta
izaten da. Beste batzuetan erreferentzia errepikatzea komeni da, eta zenbaitetan
beste era batera moldatu behar litzatekeela dirudi.”(Petrirena, 1999, 85.or.)
Ondorengo adibidean, esaterako, UIC izendapena errepikatzea
“hau” esatea baino hobe dela uste du Petrirenak. Gainera, bere ustez
“hori” beharko luke eta ez “hau”. Hona hemen adibidea eta bere
ordezko proposamena:
(15) Diru galtze itzel honen erantzule nagusia, kreditu industrialaren batasuna
(UIC), inmobiliaria arloan espezializatutako bankua da. Hau, GAN enpresak
1986an bere menean hartutako CIC bankuaren filiala da eta...(86.or)
(16) Diru galtze itzel honen erantzule nagusia, kreditu industrialaren batasuna
da (UIC), inmobiliaria arloan espezializatutako bankua. GAN enpresak
1986an bere menean hartutako CIC bankuaren filial bat da UIC, eta...(86.or.)
4.Haren eta bere. Petrirena-rentzat (1999) izugarri ugaldu dira
bera/bere/beren eta beste indargarri batzuk. Honako arrazoiak
aipatzen ditu:
1) Joskera arazoengatik; erredundantziagatik.
(17) “CFF banku publikoko langileek beren zuzendaritza bahituta zuten atzo”/
“CFF banku publikoko langileek zuzendaritza bahituta zuten atzo”)
2) Lekua kentzen ari zaizkielako, batez ere mendebaldean, hura,
haren eta beste forma arruntei.
(18) “Batzordekide lanetan bi urte egin ostean, Yolanda Arrietak,
Andolin...eta... beren karguak utzi egingo dituzte, eta beren ordezkoak ere
hautatuko dira egun berean.”
–Lehendabiziko beren bihurkaria da baina bigarrena haien arruntari
lekua kentzen ari zaiona).
3) Elipsiaz baliatzen ahaztu zaigulako edo.
4) Beste batzuk.
176