Azalpenezko testu entziklopedikoaren azterketa eta ... - Euskara

135
ditu hankaz gora, helburu didaktiko garrantzitsua atxikitzen baitzaio genero
honi.
Idatzizko hiru generoen helburu zehatzak azalduko ditugu hemen:
-Aldizkari espezializatuaren helburua, besteak beste: garaikidetasun
zientifikoaren egoera hedatzea. Beraz, ekintza puntuala da, eta ez progresio
baten barruko atala. (Beacco, 1991)
-Entziklopedia alfabetikoaren helburua, besteak beste: jakintzaren irudi
biltzaile (acumulativa) edo totalitarioa transmititzea. (Rey, 1982,18-19 orr.)
-Entziklopedia sistematikoa eta obra espezializatuaren helburua, besteak
beste, corpus mugatu baten barruan, corpusari konpatiblea zaion imagina
bat edo asko proposatzea. (Rey, 1982, 9.or.)
Igorle/hartzailearen arteko interakzioa
Ezagutzen transmisioaren egoeran garrantzizkoa da
igorle/hartzailearen arteko interakzioa. Ezagutzari dagokionez,
enuntziatzaileak eta hartzaileak posizio neutrala hartzen dute (Borel, 1981a,
27.or). Enuntziatzailea jakituna da eta, beraz, bien arteko erlazioa
hierarkizatua da enuntziatzailearen alde, bera baita ezagutzaz dakiena.
Berari dagokio hartzailearen jakintzetara egokitzea eta hartzaileari falta
zaion jakintza maila ebaluatzea; berak modulatuko du diskurtsoa;
horretarako, ebidentea izan daitekeena saihestuko du eta ulertzeko orduan
suerta daitezkeen hutsuneei aurre egiteko ezagutzen dituen baliabideak
erabiliko ditu. Bestalde, ez du hartzailearen partetik erantzunik espero.
Igorle/hartzailearen arteko estatusa aldakorra izango da, arestian esan
bezala, igorlearen estatus profesionalaren arabera (kazetari zientzilari,
etab.) eta hartzailearen estatusaren arabera (hartzailego espezializatua,
aditua, hartzailego zabala, sasiletratua, etab.).
Batzuetan zientzilaria bera da bere diskurtsoa berridazten duena
(idazle autoberridazlea), eta beste batzuetan, aldiz, kazetari zientzilaria da
beste zientzilari baten diskurtsoa berridazten duena (idazle hetereoberridazlea)(Peytard,
Jacobi & Petroff, 1984, Peytard & Moirand, 1992b,
70.or.)
Bata zein bestea, igorle gaituak dira beren zientziaren eremuan.
Jacobi-ren ustez (1987, 47.or.), gero eta ohikoagoa da zientzilariak berak,
hartzailego zabal bati begira bere ikerketari buruzko zerbait idaztea, eta
egunkari batera bidaltzea, argitaratu dezaten. Loffler-Laurian-en ustez