Azalpenezko testu entziklopedikoaren azterketa eta ... - Euskara

adakite zer landuko duten eta zertarako; irakasleak eta ikasleek adostu
egiten dute aprendizairako jarraituko duten sekuentzia didaktikoa.
Kontratu didaktikoa dugu beste lanabes interesgarria egitura
didaktikoak (ebaluazioa barne) modu orekatuan funtziona dezan (Johsua
eta Dupin, 1993) (ikus 1.1. eskema). Kontratu didaktikoa, jakintzaren
inguruan irakasle eta ikasleen artean giltzatzen den kontratua da. Bertan
martxan jartzen diren mekanismoak esplizituak baino gehiago inplizituak
dira. Kontratu honek alderdi bakoitzaren –irakaslearen eta ikaslearen–
errolak, tokiak eta funtzioak mugatzen ditu. Beraz, bai irakaslearen
jarduerak eta bai ikaslearenak mugatzen ditu, eta, halaber, irakaskuntzaren
prozesuan zehar erlazio horiek jakintzarekiko izango duten bilakaera ere.
Kontratuaren zehaztapenean ebaluazioak garrantzi handia du autore
hauentzat –epe motz eta luzera begira–. Kontratu didaktikoaren alderdi
orokorrak eta egonkorrak lehen hezkuntzaren hasieratik daude mugatuta,
ziklo horietan eginiko praktiken sedimentazioa dela eta.
Hona hemen egileek nola ikusten duten kontratu hau:
"Il faut encore ssouligner que c´est plus avec la classe comme collectif que ce contrat
est passé qu´avec chaque élevè pris comme individu; de même d´ailleurs que les raports
entretenus par un élève avec un savoir dans le cadre d´un contrat donné est en
permanence médié par les rapports entretenus avec ses pairs, les autres èléves." (Johsua
eta Dupin, 1993, 7. or.).
Hiruki didaktikoaren eskemari erreferentzia eginez (ikus 1. eskema),
autoreek onartzen dute bertan kontuan hartzeko esandako faktore eragile
batzuk, hala irakaslea bere ideologi pribatuarekin, nola ikaslea bere
egitura kognitibo partikularrarekin, fikzioa direla baina, alabaina, beren
ustetan didaktikarako ezinbestekoak diren fikzioak dira.
3.Ikaskuntzarako tailerrak. Une honetan aukeratutako testuaren
ezaugarriak lantzen dira. Hemen kokatzen ditugu, beraz, testuaren-maila
(kontestua, edukia, antolaketa, unitate linguistikoak,...) ezberdinei
dagozkien jarduerak (identifikatu, justifikatu, ekoiztu,...).
Gehienetan ikaskuntza tailer bakoitzari testu-maila bat dagokio.
4. Errebisioa eta 2. ekoizpena. Ikasleek irakaslearen laguntzarekin
kontrol-zerrenda 42 egiten dute. Lanabes hori kanpoko memoriaren antzeko
zerbait da, kanpoko autoerregulatzailea. Bertan jasotzen dira tailerretan
landutako eduki garrantzizkoenak eta ikasleari bere ekoizpenean bete
ditzan eskatuko zaizkionak. Kontrol-zerrenda hori, bada, lanabes
funtzionala da, ikasleak ongi ulertu beharko duena. Tresna horrek
eskaintzen duen malgutasuna dela eta, ikasleen maila eta beharretara
42 Ebaluazioaren atalean ematen da kontrol-zerrendari buruzko zehaztapen gehiago.
71