Azalpenezko testu entziklopedikoaren azterketa eta ... - Euskara

daramatzan arriskuak. Horrez gain, kontuan izan beharreko zenbait
elementu ditugu: erreferentziazko zientzien egoera epistemologikoa eta
berauen egokitzea “irakasteko/ikasteko jakintzetan”, eskola-diziplinaren
historia, eskuhartze pedagogikoaren pertzepzioa, etab.
Coll-en ustez (1992), progresioa da curriculumaren arazorik
larrienetarikoa. Arazo hori bi mailetan gertatzen da batik bat: derrigorrezko
hezkuntzaren ziklo ezberdinetan helburu nagusien banaketa egiterakoan
–zikloen arteko progresioa– eta ziklo bakoitzaren barnean diziplinaren
helburu eta edukien banaketa –ziklo barneko progresioa–.
Arazo horrez gain, beste batzuk ere sortzen dira irakasteko objektua
aukeratu ondoren jarduerak sekuentzializatzerakoan. Arestian ere hitz egin
dugu transposizio didaktikoaren atalean, objektuaren atalketaz; hemen
objektura hurbiltzeko asmotan zenbait jarduera gauzatu behar dira ildo
honetan: egin beharreko lanak zehaztu eta atalkatu eta edukiaren elementu
ezberdinen ordena erabaki. Autore honen alde daude Zayas eta Camps
(1993). Autore hauek hizkuntzaren curriculumari zehazki zuzendutako
zenbait arrisku ikusten diote, transposizio didaktikoarekin zerikusia
dutenak guztiak. Hona hemen esaten dutena:
“ Pero el recurso a las disciplinas que tienen como objeto el estudio de los usos
lingüísticos no es suficiente; (...) puesto que estas diciplinas no proporcionan
todavía un marco teórico coherente, sus resultados son necesariamente
provisionales y no tienen como finalidad proporcionar los contenidos y los
instrumentos para la intervención didáctica. Por ello, sus aportaciones han de
ser reelaboradas a partir de objetivos pedagógicos y con métodos e
instrumentos de investigación específicos del campo disciplinar de la didáctica
de la lengua y de la literatura”(Zayas eta Camps, 1993, 6. or.)
Beraz, esandako guztiagatik dakigu curriculumaren berrikuntza gerta
dadin ez dela nahikoa hizkuntz zientzien berrikuntza egina izatea –hau
beharrezkoa bada ere–. Gainera, zientzietatik mailegutzan hartutako
jakintzak eraldatu, berrantolatu eta egokitu egin beharko ditugu egoera
berrira, hots, eskolaren markoan irakatsiak/ikasiak izan daitezen(Chevalard,
1985).
6.1.Hizkuntz Curriculuma Hezkuntza eleaniztunean
Gatozen orain hizkuntza bat baino gehiago elkarrekin bizi diren
hizkuntz komunitateetara. Komunitate horietan ikasleen artean abiapuntuko
errealitate ezberdinak izaten dira ama hizkuntzari dagokionez. Egia esan,
gaur egun, eta migrazioak direla eta fenomeno hau gero eta ohikoago
izango dugu: gero eta haur gehiago izango dira ikasgela berean ama
80