Azalpenezko testu entziklopedikoaren azterketa eta ... - Euskara

4.1.2.Elementu determinatzaileen bitartez eginiko
berreskurapena
Esan bezala, determinazioa dugu testu mota honetan gehien ikusi den
kohesio-mekanismoa errepikapenarekin batera. Anafora mota honek,
guztietatik % 29,56a osatzen du, eta bere dentsitatea 3,56 da. Bestalde,
aztertutako entziklopedien artean ez da ezberdintasun handirik ikusi
mekanismo honen erabileran. Hona hemen anafora mota honen banaketa
entziklopedia ezberdinetako testuetan (ikus 6.4. grafikoa).
6.4.grafikoa:
Determinazioa mekanismoaren dentsitatea entziklopediaz entziklopedia eta batez beste.
15
10
5
0
LHE
Dentsitate orokorra: anafora nominalak eta
determinazioa
PE
LET
EHE
GE
guztira
A.nominalak
Determinazioa
Batez beste Anaforak
Determinazioa izeneko mekanismoa askotan erabiltzen da prozesuen
deskribapenean (fabrikazio prozesuan, osatze prozesuan edo funtzionatze
prozesuan, besteak beste). Testuan aurretik aurkeztutako tresna edo
material mota –zehaztugabea edo generikoa– determinatzea da mekanismo
honen funtzioa.
Determinazioa modu ezberdinez egiten da. Hona hemen zenbait adibide:
-Izena + determinatzaile zehaztugabea (bat, hainbat,...)Izena+
determinatzailea (enbolo batez enboloaren, 13. testua). Honelakorik gutxi
ikusi da. Hona hemen zenbait adibide:
(16) “...ikusgarriak izaten dira, batez ere, lurpeko tximiniaren adarrek haitzuloren
bat barne hartzen dutenean. Haitzuloan ur-lurrina metatzen da presioaren
menpean;...” (Geyserrak, PE., 20. testua)
(17) “ Zilindroaren barnean dagoen metala, enbolo batez bultzatzen da presio
handiz. Aipatu era horretan, enboloaren presiopean...” (Extrusioa, PE, 13.
testua)
258